Օգտակար է քաղցկեղով հիվանդներին։ Մասնագետների մի մասն այն կարծիքին է, որ բազուկի հյութն օգտակար է քաղցկեղով տառապողներին։ Վերջին շրջանում այն բավական հաճախ խորհուրդ է տրվում՝ նաև որպես կանխարգելիչ միջոց։ Օգնում է կարգավորել զարկերային ճնշումը։ Բազուկը հարուստ է նատրիումով։
Հիպերտոնիայի դեպքում այն կարող է օգնել կարգավորել ճնշումը, ինչպես նաև հանգստացնող ազդեցություն ունենալ նյարդային համակարգի վրա, պայքարել անքնության դեմ և մաքրել օրգանիզմը։ Բացի այդ՝ բազուկի հյութը բարձրացնում է էրիտրոցիտների մակարդակը։ Լավացնում է սպորտային ցուցանիշները։ Բազուկի հյութը սպորտսմենների սննդակարգի անփոխարինելի բաղադրիչներից է, քանի որ մեծացնում է դիմացկունությունը։ Նպաստում է քաշի նվազմանը։ Բազուկի հյութը կարող է օգտակար լինել նաև քաշի նվազեցմանը։ Ամրացնում է սիրտը։ Բազուկի հյութը նիտրիտներ է պարունակում։
Ըստ հետազոտությունների՝ դրանք նպաստում են հիվանդների սրտամկանի ամրացմանը, որոնք տառապում են սուր սրտային անբավարարությամբ։ Օգնում է պայքարել մրսածության և անգինայի դեմ։ Անգինայի և կոկորդում այլ բորբոքային պրոցեսների դեպքում խորհուրդ է տրվում բազուկի հյութ օգտագործել։ Ամրացնում է իմունիտետը։ Բազուկի հյութն օրգանիզմին օգնում է դիմադրել վարակներին, խթանում է լիմֆատիկ համակարգը, արագացնում ապաքինման ընթացքը։ Խորհուրդ է տրվում հղիության ընթացքում։ Բազուկը հարուստ է կարևոր վիտամիններով, հանքանյութերով, ֆոլաթթվով և օգտակար է ինչպես մորը, այնպես էլ պտղին։ Բացի այդ՝ բազուկի հյութը լավացնում է աղիների միրոֆլորան, ինչի արդյունքում օգնում է պայքարել փորկապության դեմ։
Կարգավորում է խոլեստերինի մակարդակը։ Բազուկը նյութեր է պարունակում, որոնք նպաստում են արյան մեջ խոլեստերինի մակարդակի նվազմանը։ Ուշադրություն դարձրեք. բազուկի հյութը նաև հակացուցումներ ունի։ Այն խորհուրդ չի տրվում մարդկանց, ովքեր տառապում են հոդատապով, ռևմատոիդ արթրիտով, քրոնիկ դիարեայով, երիկամային հիվանդություններով։
