Աշխարհի ամենագեղեցիկ կանանցից մեկը' սուպերմոդել Միրանդա Քերը, Forbes-ի վարկածով աշխարհի ամենաերիտասարդ միլիարդատեր Էվան Շպիգելի հետ կնքել է ամուսնական պայմանագիր, որի կետերից մեկի համաձայն՝ գեղեցկուհին պարտավոր է ժառանգ պարգևել 26-ամյա ամուսնուն:
Այս մասին The Daily Mail պարբերականին հայտնել է զույգին մոտ աղբյուրը, որի փոխանցմամբ՝ մոդելը մտադիր է մինչև ամառվա վերջ հղիանալ:
Պայմանագիրը նաև ենթադրում է, որ ամուսնալուծության դեպքում 34-ամյա Քերը դրամական փոխհատուցում չի ստանա Շպիգելից:
Այնուհանդերձ, ամուսնական պայմանագրի խիստ պայմաններից անկախ, սուպերմոդելն իրեն շատ երջանիկ է զգում և օրերս համացանցում ցուցադրել է ադամանդյա ամուսնական մատանին:
