Արտավազդ Ամիրյանը շուրջ 9 ամիս է՝ ընտանիքի հետ բնակվում է Գլենդելում: Նա BRAVO.am-ին հայտնել է, որ տեղի հայկական հեռուստաընկերություններից մեկի եթերում վարում է առավոտյան «Նոր օր» ծրագիրը. «Ինձ համար չափազանց կարեւոր է իմ սիրելի մասնագիտությամբ զբաղվելը, իսկ «ARTN-Shant»-ում հայտնվելն առավել ուրախալի էր։ Այլ գործունեություն եւս ծավալում եմ, ինչի մասին կխոսեմ ավելի ուշ»:
Հաղորդավարի դուստրն արդեն մեկ տարեկան է: Օվսաննայի տարեդարձի օրը ծնողները կազմակերպել են նաեւ ատամհատիկի արարողությունը. «Շատ ուրախ ու ժպտերես աղջիկ ունեմ: Խնջույքին էլ, ինչպես միշտ, շատ բարձր տրամադրություն ուներ եւ կարողանում էր իր պայծառ ժպիտն ու տրամադրությունը փոխանցել բոլոր ներկաներին: Ի դեպ, աղջիկս ապագա իրավաբան է:)»:
Փոքրիկի ուրախությունը կրկնապատկվել է, քանի որ տոնական օրը նրա կողքին են եղել տատիկն ու պապիկը.«Ի ուրախություն բոլորիս, ներկա էին իմ հայրն ու մայրը։ Հյուրերի ցուցակում մեր ընտանիքի բարեկամներն ու ընկերներն էին՝ եղբայրս՝ Հայկը, ով նաեւ Օսիի կնքահայրն է, քույրս՝ Սեդան, եւ այլք»:
Նյութն ամբողջությամբ՝ սկզբնաղբյուր կայքում:
