Ի՞նչ են խոսում. դերասաններ Էմիլ Գալստյանն ու Անաիս Սարդարյանը տևական ժամանակ միասին լինելուց հետո բաժանվել են:
Իրականում. տևական ժամանակ է, ինչ քաղաքի բոլոր անկյուններում խոսում են դերասաններ Էմիլ Գալստյանի և Անաիս Սարդարյանի սիրավեպի մասին: Զույգը որևէ մեկնաբանություն չէր տալիս այս թեմայի մասին, թեև նրանց մտերիմ շրջանակներից ESem.am-ին հայտնել էին, որ Էմիլն ու Անաիսը միասին են ապրում:
Օրերս ESem.am-ին լուրեր են հասել, որ նրանք բաժանվել են: Խոսակցությունների իսկությունը պարզելու համար խոսեցինք Անաիսի և Էմիլի հետ: «Մենք միասին չենք եղել, որ բաժանվենք, եթե միասին չենք եղել, ինչպե՞ս ենք բաժանվել»,- ասաց նա և խնդրեց իրեն չդիմել անձնական բնույթի հարցերով:
Էմիլը ևս նույնօրինակ պատասխան տվեց: «Բայց մենք ե՞րբ էինք միասին, որ հիմա էլ բաժանվել ենք»,- նշեց նա և հավաստիացրեց, որ Անաիսի հետ նախկինի պես նորմալ հարաբերություններ ունեն: Ինչ վերաբերում է շրջանառվող լուրերին, նա ասաց, որ տարատեսակ լուրեր են պտտվում, այդ թվում` թե ինքը Կիմ Երիցյանի թոռն է:
