Պրոֆիլի նկարը մատնում է մեր բացերը, այն, ինչը մեզ չի բավականացնում և այն, թե ով ենք ուզում երևալ: Իրար նման հոգեբանական առանձնահատկություններ ունեցող մարդիկ ընտրում են որոշակի տիպի լուսանկարներ պրոֆիլի նկարի համար: Այդ նկարով կարելի է շատ բան ասել մարդու մասին:

1. Երեխայի նկար, մանկության սեփական նկարները, կենդանիների «գթաշարժ» նկարներ:
Այսպիսի նկարներ ունեցողները կարծես ասում են. «Ես փոքր եմ: Ուզում եմ, որ ինձ գրկեն»: Նման զգացողությունը սիրո, հոգատարության և ուշադրության պակասի հետևանք է: Մարդը չի ցանկանում մեծանալ: Նման մարդիկ սովորաբար բավականին ինֆանտիլ են լինում:

2. Սեփական երեխայի նկարը:

«Իմ երեխան ես եմ: Ես իմ երեխան եմ»: Խոսում է սեփական ես-ի և կյանքի ուղեցույցների կորստի մասին: Սա կարող է լինել չկայացվածության հետևանք: Երեխայի հետ ձուլվելով` փորձ է արվում լցնել կյանքը նրանով:

3. Լուսանկար սիրած էակի հետ:

«Ես ունեմ հարաբերություններ: Տեսե՛ք բոլորդ»: Կարող է խոսել սիրո պակասի և անվստահության մասին, որ նա կարող է սիրված լինել: Ինչպես նաև խոսում է սեփական արժեքի հաստատման փորձի մասին` որպես կին/տղամարդ:

4. Բնության նկար:

«Ժամանակն է արձակուրդ գնալ»: Որպես կանոն լինում է ներքին հարմոնիայի բացակայության հետևանք: Նման մարդկանց ոչ հազվադեպ պետք է հաստատումն այն բանի, որ իրենք հանգստի իրավունք էլ ունեն:

5. Պաշտոնական լուսանկար:

«Ես հաջողակ եմ»: Խոսում է «լավը» լինելու հարցում ոչ բավականաչափ վստահության մասին: Առկա է ցանկություն` հասնել սիրված լինելուն հաջողակության հաստատման միջոցով:

6. Ծիծաղելի նկարներ:

«Արի՛ ծիծաղենք: Պետք չի ոչինչ լուրջ ընդունել…»: Որպես կանոն լինում է թեթևության զգացողության պակասից: Ներսում առկա է ինչ-որ չապրած տխրություն, որից ցանկություն կա փախչելու:

7. Նկարի բացակայություն:

«Մի՛ նայիր ինձ»: Անվտանգության զգացման պակաս: Փակվածություն և անվստահություն, երբեմն` կասկածամտություն, ցանկություն վերահսկել իրավիճակը…