Օքսիտոցինը կամ, ինչպես հաճախ անվանում են «սիրո հորմոնը», ակտիվացնում է էմոցիոնալ փոխհարաբերությունները և ամրացնում սոցիալ-հոգեբանական կապը:
Այս հորմոնն ունի նաև իր բացասական կողմը: Այն պակասեցնում է օտար մարդկանց հանդեպ վստահությունը' երբեմն արտահայտվելով նաև ագրեսիայի միջոցով:
Բոննի համալսարանի գիտնականները փորձաքննություն են անցկացրել՝ որպես կամավոր ընտրված տղամարդկանց տալով պլացեբոյի և օքսիտոցինի չափաբաժին:
Դրանից հետո փորձության մասնակցին փակել են սենյակում գրավիչ աղջկա հետ և հետևել, թե ինչ հեռավորության վրա են նրանք շփվելու միմյանց հետ: Պարզվել է, որ պլացեբո ընդունած տղամարդիկ մոտեցել են կանանց՝ մինչև 50-60 սմ հեռավորություն պահպանելով: Իսկ օքսիտոցինով «մշակված» տղամարդիկ գեղեցկուհիներին 70-80 սմ-ից ավելի չեն թողել մոտենալ իրենց:
Փորձագետները եկել են այն եզրակացության, որ հենց օքսիտոցինն է, որ օգնում է տղամարդկանց պահպանել հավատարմությունը:
