Նույնիսկ ամենաիդեալական հարաբերությունները հնարավոր է փչացնել, եթե մեծ ցանկություն լինի: Իսկ թե ինչո՞ւ պիտի դրա կարիքը լինի, դա արդեն այլ հարց է: Հարկավոր է իմանալ այն ամենը, ինչին չի դիմանում տղամարդը: Եթե չեք ցանկանում նրան "խելքահան անել"' արտահայտության վատ իմաստով, ապա հարկավոր է զերծ մնալ որոշ իրավիճակներից:
Տղամարդիկ ատում են հեռախոսային տեռորը' անվերջանալի զանգերը, հատկապես երբ իրենց զանգահարում են առանց պատճառի' կտրելով կարեւոր գործերից: Ի՞նչ իմաստ կա այդքան զանգահարելու մեջ: Եթե ցանկանում եք լսել սիրելիի ձայնը կամ պարզել' արդյոք նա իսկապես աշխատանքի է, թե ինչ-որ գեղեցկուհու գրկում, ապա կարող եք առանց այդ անհեթեթ զանգերի պարզել:
Եթե դուք անդադար խանգարում եք նրան կարեւոր գործեր անել, ապա չեք կարող խուսափել ձեր հասցեին ուղղված դժգոհություններից: Առավել եւս, փորձել նրան վերահսկել հեռախոսով, լավագույն տարբերակը չէ: Նրան հնարավորություն ընձեռեք, որպեսզի ինքը զանգի ձեզ, նույնիսկ կարոտի:
