Սոցցանցերում հայտնի մոդել և բլոգեր Մեյվ Մեդդենը (Maeve Madden) ցուցադրել է իդեալական լուսանկարների «հակառակ կողմը» և հիացրել երկրպագուներին։ Համապատասխան կադրերն ու մեկնաբանությունները հայտնվել են նրա Instagram-ի էջում։
Աղջիկը, ում էջին բաժանորդագրված է ավելի քան 334 հազար մարդ, իր բաժանորդներին հորդորել է չհամեմատել իրենց ուրիշների հետ, քանի որ էկրանից դուրս կյանքը տարբերվում է նկարում պատկերվածից։ Այսպիսով, նա հրապարակել է մի քանի կոլաժներ, որոնցում նա համադրել է հաջող և անհաջող նկարները նույն հանդերձանքով:
Օրինակ՝ առաջին լուսանկարում մոդելը ֆիքսված է փայլուն մինի զգեստով՝ ծաղկային կոմպոզիցիայի ֆոնին։ Մեկ այլ կադրում Մեդենը նկարահանվել է, երբ նա ուղղում է մազերը դեմքի դժգոհ արտահայտությամբ: Բացի այդ, բլոգերը ցույց է տվել, որ քամին հաճախ փչացնում է կադրերը. մի նկարում աղջիկը կեցվածք է ընդունել կոկիկ ոճավորմամբ սպիտակ զգեստով, իսկ մյուսում նրա մազերն ամբողջովին ծածկում են նրա դեմքը։
Հրապարակումը հավաքել է ավելի քան 14 հազար հավանում։ Մեդենի հետևորդները գնահատել են նրա ազնվությունը մեկնաբանություններում։ «Միշտ մնա իրական», «Այնքան կարևոր է ցույց տալ երկուսն էլ: Շնորհակալություն ազնիվ մնալու համար», «Թագուհի», «Ես քեզ շատ եմ սիրում քո անկեղծության համար», - գրել են նրանք:
