2021թ.-ի օգոստոսին վերջին 20 տարվա ընթացքում առաջին անգամ վաճառքի կհանվի բրիտանական «Beatles» խմբի պաշտոնական ինքնակենսագրական գիրքը, հայտնում է Guardian-ը։

«The Beatles: Get Back» անունով գիրքը կներկայացնի խմբի «Let It Be» տասներկուերորդ ու վերջին ստուդիական սկավառակի ստեղծման պատմությունը։ Այն կազմվածք կլինի խմբի մասնակիցների՝ ավելի քան 120 ժամ ձայնագրված խոսակցություններից։

Գրքի նախաբանը կգրի բրիտանացի գրող Հանիֆ Կուրեյշին։ Գրքում ներառված կլինեն նաեւ խմբի մասնակիցների՝ հարյուրավոր չհրապարակված լուսանկարներ, որոնք արվել են Իթան Ռասելի կողմից, որը նկարում էր «Beatles»-ի սկավառակների շապիկները, ինչպես նաեւ լուսանկարներ, որոնց հեղինակը Փոլ Մաքքարթնիի նախկին կինն է՝ Լինդան։

Խմբի առաջին պաշտոնական ինքնակենսագրականը հրատարակվել է 2000թ.-ին «The Beatles Anthology» անունով։ Դրանում ներկայացված են «Beatles»-ի մասնակիցների հիշողություններն իրադարձությունների մասին, որոնք խմբում տեղի են ունեցել մինչեւ 1970թ.-ը։