Իրապատում-շոուի աստղ, գործարար Քիմ Քարդաշյան-Ուեսթը որոշել է սառեցնել Facebook-ի եւ Instagram-ի իր հաշիվները ի նշան սոցիալական ցանցերում ապատեղեկատվության տարածման ու ատելության դեմ բողոքի։

«Ապատեղեկատվությունը, որը տարածվում է սոցիալական մեդիայում, լրջորեն ազդում է մեր ընտրությունների վրա եւ հեղինակազրկում է մեր դեմոկրատիան»,- Twitter-ում գրել է Քիմը՝ միանալով «Stop Hate for Profit» արշավին («Դադարեք ատել շահի պատաճառով»), որը փորձում է ակտիվորեն ազդել Facebook Inc.-ի վրա՝ նպատակ ունենալով սոցիալական ցանցի բովանդակությունից բացառել ատելություն տարածող հրապարակումներն ու խոսքը։