Նոյեմբերին հայտնի է դարձել, որ Բրեդ Փիթը կդառնա Brioni-ի դեմքը։ Ապրանքանիշի պաշտոնական կայքում եւ սոցիալական ցանցերում գարուն-ամառ հավաքածուի առաջին լուսանկարներն ու տեսանյութերն են հայտնվել։ Tailoring Legends անունով արշավը նվիրված է իտալական ապրանքանիշի 75-ամյակին։
«Ես միշտ հիացել եմ Brioni-ի էլեգանտ ու ժամանակի իշխանությանը չենթարկվող դիզայնով։ Ապրանքանիշը մարմնավորում է յուրօրինակությունը, որակն ու գերազանցությունը»,- նկարահանմանն իր մասնակցությունը մեկնաբանում է Բրեդ Փիթը։
Փիթը կարմիր գորգերին հաճախ է կրում Brioni-ի կոստյումները։ Վերջերս կայացած «Ոսկե գլոբուս» մրցանակաբաշխությանը ներկայացել էր ապրանքանիշի դասական սեւ կոստյումով։
