Հայոց ցեղասպանության մասին գրառումից հետո թուրքերը «հարձակվել են» Քիմ Քարդաշյանի վրա։

Արդեն տեղեկացրել ենք, որ Ամերիկահայ հեռուստաաստղ Քիմ Քարդաշյանը կիսվել է համացանցում իր Ծիծեռնակաբերդի հուշահամալիր այցելության լուսանկարներով, տպավորություններով և գրառում կատարել․

«Չեմ կարող հավատալ, որ անկախ մասսայական սպանությունների լուսանկարներից և այս ընթացքում հրապարակված գրականությունից, մարդիկ դեռ փորձում են հերքել, որ դա երբևէ տեղի է ունեցել։ Մենք երբեք չենք մոռանա, որ 1,5 մլն հայ սպանվել է»,- լուսանկարները մակագրել է նա։

Նրա այս՝ Հայոց ցեղասպանության մասին գրառումից հետո, մեկնաբանություններ են եղել ինչպես հայ և օտարերկրյա, այնպես էլ թուրք օգտատերերի կողմից, որոնք տարակուսել են Քիմ Քարդաշյանի խոսքերից:

«Մեր պատմությունում չի եղել ոչ մի ցեղասպանություն»:

«Դու չգիտես պատմությունը և բավական է ստես»:

«Ցեղասպանություն չի եղել, բավական է վարկաբեկել թուրք ժողովրդին և թուրքական պատմությունը»:

 

 

 

Посмотреть эту публикацию в Instagram

Visiting the Armenian Genocide Museum was extremely emotional. I can’t believe with all of the photos from the massacres and published literature during this time that people still try to deny this ever happened. We will never forget that 1.5 million Armenians were murdered.