21-ամյա Ավա Լուիսը իր պահվածքով զայրացրել է բոլոր 118 հազար բաժանորդներին, որոնց թիվը նույնպես շատ է կասկածի տակ դրվում:

Բլոգերներն ու հայտնիները մեծ պատասխանատվություն են կրում, քանի որ հաճախ երկրպագուները նրանցից օրինակ են վերցնում: Հետևաբար, երբ Ավա Լուիսը Instagram-ում գովազդեց նիհարելու թեյեր, աղջկա բաժանորդները, մեղմ ասած, զարմացան, քանի որ այդպիսի թեյերի վտանգները վաղուց հայտնի էին՝ գրում է Lad Bible-ը:

Երկրպագուների բոլոր քննադատւթյուններին Ավան պատասխանել է, որ ինքը կշռել է 90 կգ և երբեք այլևս այդպիսին չի լինի: Իրեն լեգենդար նիհարիկ աղջիկ հռչակելով՝ նա հավելել է, որ ավելի լավ է գեղեցիկ մեռնել, քան տգեղ ապրել:

Երկրպագուներին դուր չեն եկել մոդելի հայտարարությունները, նրանք վրդովված են, թե ինչ օրինակ է նա ծառայում մնացածների համար: Ոմանք արդեն կասկածում են Ավայի հետևորդների թվի վրա, քանի որ 118 հազար բաժանորդ ունեցողի հաղորդագրությունները երեք-չորս հավանում չեն ունենում։