Վիեննան վերստին առաջին տեղն է զբաղեցրել ապրելու համար առավել հարմարավետ քաղաքների վարկանիշում, որն ամեն տարի կազմում է Economist բրիտանական հանդեսը:
Անցյալ տարի Վիեննան առաջին անգամ առաջ անցավ ավստրալական Մելբուռն քաղաքից: 2019 թվականին Մելբուրնը կրկին հայտնվել է երկրորդ դիրքում, թեև մինչ այդ երկար տարիներ վարկանիշի առաջատարն էր: Այս տարի երրորդ տեղում Սիդնեյն է, որը պատվանդանից տեղաշարժել է Ճապոնիայի Օսակա քաղաքը:
Կենսամակարդակը զգալիորեն աճել է սերբական Բելգրադում, Հանոյում (Վիետնամ) և Կիևում (Ուկրաինա): Նախավերջին տեղերը, ինչպես և անցյալ տարի, զբաղեցնում են Դաքքա (Բանգլադեշ) եւ Լագոս (Նիգերիա) քաղաքները: Վարկանիշը եզրափակում Է սիրիական Դամասկոսը, որը փորձագետների կողմից ամենաանհարմարավետն է ճանաչվել ապրելու համար:
Վարկանիշը կազմվում է՝ հաշվի առնելով երեսունից ավելի ցուցանիշներ, այդ թվում՝ կայունությունը, առողջապահության մակարդակը, երկրի մշակութային զարգացումը, կրթությունը, շրջակա միջավայրի մաքրությունը և ենթակառուցվածքի զարգացածությունը, հաղորդել է ՌԻԱ Նովոստին:
