Խոյ։ Այսօր դուք կկարողանաք խուսափել տհաճ իրադարձություններից և թյուրիմացություններից, եթե զգուշավորություն դրսևորեք: Նախևառաջ պետք կլինի ռիսկի չդիմել և հրաժարվել փորձարարություններից, ավելի լավ է առաջ շարժվել միայն փորձված, իրենց արդարացված մեթոդներով: Այս առումով օրը բոլորովին հարմար չէ երկարատև ուղևորությունների, էքստրեմալ մարզաձևերով զբաղվելու, ինչպես նաև այնպիսի մարդկանց հետ հանդիպումների համար, որոնց մասին հայտնի է, որ նրանք ձեր հանդեպ տրամադրված են անբարյացկամ: Կենտրոնացեք սեփական գործերի վրա, իսկ ուրիշներին աշխատեք չմիջամտել․ դուք դժվար թե օգտակար լինեք նրանց, իսկ ոմանց ավելի շուտ միայն վնաս կհասցնեք:  

 

 

Ցուլ։ Այսօր չափազանց շատ բան է ձեզ համար անհասկանալի, այդ իսկ պատճառով էլ օրվա ընթացքում վրիպումների հավանականությունը բավական մեծ է: Դուք առաջնորդվում եք միայն սեփական ցանկություններով՝ քիչ մտահոգվելով այն մասին, թե ինչ են ցանկանում շրջապատի մարդիկ, ինչն էլ դառնում է նրանց հետ լարվածության պատճառ: Բարեբախտաբար, դուք ժամանակին եք հասկանում և խոստովանում ձեր սխալները և ձգտում որքան հնարավոր է շուտ դրանք ուղղել: Դժվար թե հաջողվի իրականացնել ձեր ծրագրած պլանները, որոնք դուք կազմել էիք օրվա համար․ պայմանավորվածությունները խախտվում են, շատերն իրենց պահում են ոչ այնպես, ինչպես դուք սպասում էիք:  

 

 

Երկվորյակներ։ Օրվա առաջին կեսը բարենպաստ է․ դուք հնարավորություն կունենաք հասկանալու ձեր խճճված հարաբերությունները շրջապատի հետ, լեզու գտնել ձեզ համար թանկ մարդկանց հետ: Օրվա ընթացքում աճում է ստեղծագործական ներուժը, ծագում են գերազանց գաղափարներ, որոնք շուտով հնարավոր կլինի իրականացնել ընկերների օգնությամբ: Ցանկացած համագործակցություն բեղմնավոր կլինի: Օրվա երկրորդ կեսին իր մասին իմացնել կտա բացասական միտումների ազդեցությունը, դուք ստիպված կլինեք զբաղվել տհաճ գործերով, վերադառնալ հին խնդիրներին:

Խեցգետին։ Հիանալի օր է շփումների, ընկերների հետ հանգստանալու կամ ռոմանտիկ ժամադրության համար: Դուք դուր եք գալիս մարդկանց, ճիշտ ժամանակին եք նախաձեռնություն ցուցաբերում, սատարում եք լավ գաղափարները: Այսպիսով՝ մեծանում են նոր դաշնակիցներ գտնելու կամ ձեզ համար համակրելի մարդուն հետաքրքրելու շանսերը: Հաջող են դասավորվում փոքր ուղևորությունները, կարելի է և նախապատրաստվել երկարատև ճանապարհորդություններին: Օրը հարմար է անսովոր և օրիգինալ իրեր, ժամանակակից արվեստի գործեր, արտառոց աքսեսուարներ և զարդեղեն ձեռք բերելու համար: Օրվա երկրորդ կեսին հնարավոր է հանդիպում մի մարդու հետ, ով ժամանակին ձեր մեջ ուժեղ զգացմունքներ էր առաջացրել:

Առյուծ։ Այսօր դուք շատ եք լավ բաներ հնարում, սակայն քիչ եք մտահոգվում այն բանի շուրջ, թե երբ և ինչպես ձեր գաղափարները կիրականացվեն, այդ իսկ պատճառով էլ բացառված չէ, որ ձեր գաղափարներն ի վերջո կյանքի կոչի մի մարդ, ով օժտված է իրերին ավելի պրակտիկ մոտենալու ունակությամբ: Կարող են բարդություններ ծագել տարեց ազգականների հետ հարաբերություններում, բոլոր նախկինում առկա տարաձայնություները ստանում են ավելի սուր բնույթ: Ցանկալի է հրաժարվել ուղևորություններից, հատկապես՝ ղեկին նստած, ինչպես նաև տրանսպորտային միջոցներ գնելուց: Հնարավոր են ոչ այնքան զգալի ֆինանսական կորուստներ, իսկ սպասվող գումարները ձեր գրպանում կհայտնվեն ուշացումով:

Կույս։ Բարենպաստ հանգամանքներ են դասավորվում նախկինում ձեզ երկար ժամանակ մտահոգած խնդիրների լուծման համար: Նոր հնարավորություններ են բացվում, արժե մտածել այն մասին, թե ինչպես դրանք շահեկան ձևով օգտագործել: Ընդ որում՝ շտապելու ոչ մի անհրաժեշտություն չկա: Օրվա երկրորդ կեսը շատ հարմար ժամանակահատված է շփումների համար: Ձեր գաղափարներն աջակցություն են ստանում, այդ թվում՝ և այնպիսի մարդկանց կողմից, ումից դուք չէիք սպասում նման բան: Լավ են անցնում ուղևորությունները՝ ինչպես զվարճալի, այնպես էլ գործնական: Կարելի է փաստաթղթեր ստորագրել, պայմանավորվել համագործակցության մասին:

Կշեռք։ Բարենպաստ օր է մի շարք առումներով: Ի տարբերություն մյուս նշանների ներկայացուցիչների՝ դուք չեք մոռանում ձեր պլանավորած գործերի մասին և անգամ ուժ եք գտնում դրանցով զբաղվելու համար: Հարմար օր է հյուրեր ընդունելու համար, կարելի է հրավիրել այնպիսի մարդկանց, ում հետ դուք կապված եք գործնական շահերով: Այսօր հաստատված ծանոթությունները ձեզ օգտակար կլինեն որոշ ժամանակ անց: Օրը հարմար է ուղևորությունների համար, հատկապես ռոմանտիկ, որոնք, ինչպես երբեք, լավ են անցնում: Տան ցանկացած փոփոխություն՝ մանր վերանորոգումից մինչև կահույքի տեղափոխում, չափազանց հաջող կլինի:

Կարիճ։ Դուք անում եք ամեն հնարավորը՝ հաջողության հասնելու համար, սակայն ձեր ջանքերի արդյունքները աննշան են: Մի կորցրեք լավատեսությունը․ ամեն ինչ կստացվի, միայն թե մի փոքր ուշ: Օրը բարենպաստ է շփումների համար, ձեզ հաջողվում է հասնել փոխհասկացվածության մտերիմների հետ, պայմանավորվել ընդհանուր խնդիրների համատեղ լուծման վերաբերյալ: Օրը հարմար է նոր նախագծերի վրա աշխատել սկսելու, մասշտաբային մտահղացումների իրականացման համար: Հնարավոր է գումարների ստացում, բացառված չեն արժեքավոր նվերներ: Երեկոն անցկացրեք ընկերների և ընտանիքի անդամների հետ:

Աղեղնավոր։ Չնայած դժվարություններին և թյուրիմացություններին, որոնցից զերծ չէ օրը, ձեզ կհաջողվի կոնստրուկտիվ մոտեցում ցուցաբերել: Շանս կա լուծելու այն խնդիրները, որոնք ձեզ անհանգստացնում էին վերջին շաբաթներին: Դրա համար ձեզ պետք կլինի ոչ ստանդարտ որոշումներ կայացնել, սակայն դրա հետ կապված խնդիրներ չեք ունենա, քանի որ դուք առանց այն էլ աչքի չեք ընկնում մտածողության շաբլոնությամբ: Այսօր լավ կլինի մասնակցեք համատեղ նախագծերին, այդ թվում՝ և բարեգործական: Հաջող կլինեն պետական օրգանների, մշակութային կազմակերպությունների հետ շփումները: Երեկոն հարմար ժամանակահատված է ստեղծագործական մոտեցումների համար:

Այծեղջյուր։ Օրը հանգիստ կանցներ, եթե դուք ինքներդ չորոշեիք վերադառնալ վաղ անցյալի խնդիրներին: Մեծ օգուտ դրանից չի լինի, դուք միայն հերթական անգամ գլուխ կկոտրեք այնպիսի հարցերի վրա, որոնք հստակ պատասխաններ չունեն: Ցանկալի չէ ինչ-որ բան շրջադարձորեն փոխել ձեր կյանքում, իսկ եթե, այնուամենայնիվ, ցանկանաք դա անել, պետք է գործել ծայրահեղ զգուշավորությամբ: Այսօր ծնված գաղափարներն այնքան էլ հաջող չեն, որքան առաջին հայացքից թվում է: Արժե հետևել այն մարդկանց խորհուրդներին, ովքեր ձեզ առաջարկում են ետ մնալ դրանց իրականացումից․ նրանց քննադատական դիտողություններից կարելի օգուտ քաղել:

Ջրհոս։ Օրն ընդհանուր առմամբ վատը չէ, սակայն դուք կարծես հատուկ ամեն ինչ անում եք, որպեսզի այն փչացնեք․ քիթը խոթում եք այնպիսի նախագծերի մեջ, որոնք դատապարտված են անհաջողության, բարձրացնում եք այնպիսի հարցեր, որոնք այժմ իմաստ չունի քննարկել, արտահայտում եք ձեր կարծիքը, չնայած այն ոչ մեկին հետաքրքիր չէ: Կարող են վտանգավոր իրավիճակներ ծագել, այնպես որ, ձեզանից նաև մեծ զգուշավորություն է պահանջվում։ Դա հատկապես վերաբերում է նրանց, ովքեր գտնվում են տնից հեռու: Ցանկալի չէ զբաղվել կարևոր գործերով, գործարքներ կնքել, ձեռք բերել թանկարժեք իրեր: Օրը հարմար չէ նաև իմիջի հետ կապված փորձարարություններ անելու համար․ դրանց արդյունքը ձեզ կհիասթափեցնի:

Ձկներ։ Այսօր դուք չափից ավելի գործունյա եք, սակայն ոչ միշտ եք ուղղորդում ձեր եռանդը խաղաղ հունով, այդ իսկ պատճառով էլ կարող են ծագել տհաճ իրավիճակներ, վեճեր և կոնֆլիկտներ: Եվս մի պատճառ կա խնդիրների ծագման համար․ շատ բարձր է ինքներդ ձեզ և շրջապատին ներկայացվող պահանջների մակարդակը: Արժե օրը հանգիստ անցկացնել՝ ձեռնամուխ չլինելով ինչ-որ բարդ և կարևոր գործերի: Ցանկալի չէ նաև լուծել այնպիսի խնդիրներ, որոնք կապված են ընդհանուր ֆինանսների կամ համատեղ ունեցվածքի հետ: Ինչ էլ որ դուք անելու լինեք, մի շտապեք․ այսօր հենց շտապողականությունն է հանգեցնելու տհաճություններին: