Նյու Յորքում երեկ երեկոյան տեղի է ունեցել  «Գրեմմի» մրցանակաբաշխության 60-րդ արարողությունը: 

Ստորև ներկայացնում ենք հաղթողներին։

«Տարվա ալբոմ» է ճանաչվել Բրունո Մարսի 24K Magic ալբոմը։

«Տարվա ձայնագրություն» անվանակարգում հաղթող է ճանաչվել դարձյալ Բրունո Մարսը՝ 24K Magic ալբոմի համար։

«Տարվա երգը» անվանակարգում հաղթել է Բրունո Մարսի That’s What I Like երգը։

Լավագույն փոփ կոմպոզիցիան է ճանաչվել Էդ Շիրանի Shape of You երգը։ Նա ստացել է «Գրեմմի» նաեւ լավագույն սոլո փոփ ալբոմի համար (Divide)։

Բացի դրանից, լավագույն ռոք ալբոմ է համարվել The War On Drugs խմբի A Deeper Understanding ալբոմը։

The Rolling Stones-ը ստացել է «Գրեմմի» Blue&Lonesome ալբոմի համար՝ Best Traditional Blues Album անվանակարգում։

Շաքիրան El Dorado ալբոմի համար ստացել է «Գրեմմի»՝ Best Latin Pop Album անվանակարգում։

Best Urban Contemporary Album անվանակարգում հաղթել է The Weeknd-ը՝ իր Starboy ալբոմի համար

Լավագույն ռոք երգ է ճանաչվել Foo Fighters–ի Run–ը։