Ձեզ ուշադրությանն ենք ներկայացնում Դեվիդ Ջեյի «Սպի» նախագիծը: Այդ նախագիծն իրենից ներկայացնում է կանանց անկեղծ լուսանկարներ, ովքեր ստիպված են եղել անցնել սարսափելի հիվանդության միջով:
Երբ դուք տեսնեք այս լուսանկարները՝ կհասկանաք, թե ինչի մասին է խոսքը… Այս նկարներին նայելիս, աչքերն արցունքով են լցվում: Այստեղ կա ամեն ինչ՝ տառապանք, անօգնական վիճակ, համակերպվածություն, տագնապայնություն, վախ, բայց միևնույն ժամանակ ապշեցնող դիմացկունություն, անկոտրում հույս և անասելի կյանքի ծարավ:
Այն հուզում է մինչև հոգու խորքը…
«Ես երբեք չեմ մտածել, որ այսպիսի նախագծի հեղինակ կդառնամ: Այդ միտքն ինձ մոտ շատ հանկարծակի, ինքնաբերաբար առաջացավ, երբ ես իմացա, որ իմ լավագույն ընկերուհու՝ Պաուլինայի, մոտ ախտորոշել են կրծքի կաղցկեղ: Նա 29 տարեկան էր: Գեղեցիկ, ուժեղ, երիտասարդ կին: Ես լուսանկարում էի Պաուլինային 17 տարեկանից: Ես տեսա նրան այն բանից հետո, երբ հեռացրել էին նրա կուրծքը: Պրոֆեսիոնալ լուսանկարիչը պետք է ընդունի և փոխանցի աշխարհն այնպիսին, ինչպիսին այն կա: Հենց այդ պատճառով էլ ես նորից սկսեցի լուսանկարել Պաուլինային…»,- պատմում է Դեվիդ Ջեյը:
Վարպետը շարունակում է. «Այս կանայք բավականին շատ են տուժել և տառապել: Հույս, հուսահատություն, սեր, կորուստ, քաջություն, վախ՝ ահա թե ինչի մասին է այս նախագիծը»:
Այս նախագծում հարյուրավոր կանայք են մասնակցել, ովքեր երես առ երես հանդիպել են կրծքի հեռացման գործընթացի հետ 18-35 տարեկան հասակում:
«Սպի» նախագծի հիմնական նպատակն է տեղեկացնել, լուսավորել կանանց կրծքի քաղցկեղի մասին:
Ամենաշատն ապշեցնում է այն փաստը, որ Ջեյը մասնագիտացած էր միայն նորաձյության լուսանկարչության ոլորտում: Բայց նրան հաջողվեց նրբորեն հաղորդել, փոխանցել այս խնդրի էությունը:
Այս կանայք ապացուցում են շրջապատին, որ ոչ մի անհնարին բան չկա: Ցանկացած իրավիճակից ելք կա: Այժմ այս աղջիկները լի են ուժով և հպարտորեն առաջ են շարժվում:
Զգուշացում. Նկարներում պատկերված են կանայք՝ կրծքի քաղցկեղի վիրահատությունից հետո:
