Մաշա Մնջոյանը նորություններ ունի: Նա BRAVO.am-ին պատմել է, թե ինչով է զբաղվել վերջին ամիսներին եւ ուր է պատրաստվում մեկնել նոյեմբերին։ Երգչուհին մեզ է տրամադրել նաեւ իր նոր ֆոտոշարքը, որի շրջանակում համագործակցել է դիզայներ Վահան Խաչատրյանի հետ:
«Հայաստանի ձայնը 1» նախագծի հաղթողը 3 ամսով մեկնել էր Ավստրալիա, իսկ նպատակը «X Factor»-ին մասնակցությունն էր.«Որոշեցի հետաքրքրության համար հայտ ներկայացնել, ամիսներ անց արդեն մոռացել եւ չէի էլ սպասում պատասխանի, երբ էլ. փոստիս նամակ եկավ, որ լսումների համար ինձ սպասում են Մելբուրնում։ Այդ ժամանակ որպես բեք-վոկալիստ մասնակցում էի «Եվրատեսիլ 2016»-ին, որից հետո միանգամից մեկնեցի։ Մարտական էի տրամադրված, բայց մասնակցությունս չստացվեց, քանի որ վիզայիս մեջ մի կարեւոր կետ կար, որ չեմ կարող նկարահանվել հեռուստաշոուներում։ Եթե հետագայում ստացվի մասնակցել կամ տեղափոխվել՝ կրթություն ստանալու, միայն ուրախ կլինեմ»։
21-ամյա երգչուհին նախապես չպլանավորված համերգներ է ունեցել տեղի հայ երաժիշտների հետ.«Ելույթ եմ ունեցել Սիդնեյի ամենահայտնի ջազ ակումբներից մեկում, որտեղ հայտնի երգիչները գոնե մեկ անգամ լինում են։ Այդտեղ բախտ ունեցա ներկայանալ այլազգի հանդիսատեսի առջեւ, մյուս համերգը հայ համայնքի համար էր։ Խմբի հետ հետաքրքիր գաղափարներ ունենք, գուցե հետագայում էլ միասին աշխատենք։ Շատ լեցուն ու բուռն ամառ ստացվեց. բարեկամներիս հետ հասցրել եմ հետաքրքիր վայրերում շրջել»։
Նյութն ամբողջությամբ` սկզբնաղբյուր կայքում:
