Հայկ Կասպարովը, ով ապրում ու ստեղծագործում է Գերմանիայում, բայց այս օրերին գտնվում էր Հայաստանում, 2015 թվականին իր երկրպագուներին երաժշտական բազմաթիվ նորություններ է խոստանում: Ի դեպ, երգիչը վաղը պատրաստվում է մեկնել Հայաստանից. «Կես տարին մեկ Հայաստան եմ գալիս: Այս անգամ անձնական հարցերով, խնդիրներով էի եկել, նաև գործնական մի քանի հանդիպումներ ու պայմանավորվածություններ ունեի: Հավանական է, ամռանը մեկ անգամ ևս գամ, տեսնենք»:
Նա Life.panorama.am-ին հայտնեց, որ արդեն իսկ մի քանի երգեր ունի, որոնք ձայնագրման փուլում են: Երգերը կհնչեն և՛ անգլերեն, և՛ հայերեն լեզուներով. «Երգերի հեղինակը ես եմ, անգլերեն խոսքերի հեղինակը Գերմանիայում բնակվող ընկերս: Իհարկե, անգլալեզու երգերից, որը հնարավոր լինի հայերենով հնչեցնել, անպայման կթարգմանենք ու կերգեմ: Առաջին երգը, որ ներկայացնելու եմ, կոչվում է «Հայա-հոյա», անգլերեն տարբերակը՝ «Ապոկալիպսիս»:
Շարունակությունը` այստեղ:
