- Ե՞րբ  ես առաջին անգամ բեմ բարձրացել:

- Առաջին անգամ բեմ բարձրացել եմ 4 տարեկանում: Այդ ժամանակ երգում էի «Արևիկ» մանկապատանեկան խմբում:

- Քանի՞տարի է` բեմում ես:

- Արդեն 16 տարի է, ինչ երգում եմ ու բեմում եմ :)

- Դու` քո երգացանկի մասին:

- Ես երգում եմ այն երգերը, որոնք իմ ոճին ու ճաշակին են համապատասխանում:

- Երգածդ երգերից,  ո՞րն է քեզ առավել հոգեհարազատ:

- Ինձ ավելի հոգեհարազատ են իմ երգացանկի ավելի մեղեդային, սոուլ, ջազ ոճերի երգերը:

- Երգարվեստի բնագավառում կա՞ մեկը, ում քո կուռքն ես համարում:

- Շատ տաղանդավոր երգիչ-երաժիշտներ կան, որոնց շատ սիրում եմ, բայց կուռքեր երբեք չեմ ունեցել:

- Կա՞ երգիչ, ում հետ կցանկանայիր զուգերգով հանդես գալ:

- Այո, ու այդ երգիչները շա՜տ են:

- Երգ, որը միշտ ցանկացել ես կատարել:

- Նախկինում շատ երգեր են եղել, որոնք շատ եմ սիրել, բայց չեմ երգել, կարծելով, որ այդ երգերը կատարելու համար պետք է ինչ որ չափով հասունանալ: Հիմա այն փուլում եմ, որ ցանկացած երգ կարող եմ երգել:

- Ո՞րն է եղել այս բնագավառում առաջին լուրջ ձեռքբերումդ:

- Երկու լուրջ ձեռքբերում եմ ունեցել. Նադեժդա Սարգսյանի և Արթուր Գրիգորյանի դպրոցներում սովորելը:

- Երգարվեստի բնագավառում, ո՞վ է քո առաջին ուսուցիչը առանց որի անհնար էրհաջողությունների հասնել:

- Իմ առաջին ուսուցիչները Ռադիկ Գաբրիելյանն ու Արմեն Դիվանյանն են եղել, նրանք մեծ դեր են ունեցել իմ մասնագիտական զարգացման հարցում:

- Ըստ քեզ՝ ի՞նչ է այս պահին պակասում շոու բիզնեսում:

- Ոչինչ չի պակասում: Կարծում եմ` ամեն ինչ մի բան էլ ավել է :)

- Երբևէ արտերկրում աշխատելու և միջազգային հայտնի դեմքերի հետ համագործակցելու ցանկություն ունեցե՞լ 

ես:

- Ըստ իս` ցանկացա երաժշտի համար դա մեծ ցանկություն է:

-  Ո՞վ է քո հայտնի ընկերը:

- Հայտնի մտերիմ ընկերներ չունեմ:

- Ո՞վ է քո խորհրդատուն ու քննադատը:

- Ամենալուրջ քննադատները ծնողներս են:

- Քեզ հայտնի մարդ համարում ես, և ի՞նչ է տվել  քեզ հայտնիությունը:

- Ես ինձ երաժիշտ եմ համարում: Ինձ համար հայտնի է Շադեն,  Սթիվի Ուանդերը և նրանց նման լեգենդար երաժիշտները: Իմ բնագավառում աշխատող մարդկանց աշխատանքի բերումով կարող է շատերը ճանաչեն, բայց դա չի նշանակում հայտնի լինել: Ճանաչված լինելն էլ իր դրական ու բացասական կողմերն ունի:

- Ո՞րն է քո ամենամեծ երազանքը:

- Շատ ցանկություններ ունեմ, իսկ երազանքի մասին պետք է միայն երազողն իմանա :)

- Առաջիկայում ի՞նչ նորություններ կներկայացնես լսարանիդ:

- Արդեն երկու ամիս է, ինչ ունեմ իմ բենդը` «MARTA'S BAND»-ը: Հայաստանի տարբեր ակումբներում համերգային ծրագրերով ենք հանդես գալիս: Առաջիկա անելիքներիս մասին դեռ չեմ կարող խոսել, քանի որ չգիտեմ հետագայում ինչ կցանկանամ անել :)

Դիմահարդարումը` Գոհար Պարուրյանի

Լուսանկարները` Խանդութ Պարուրյանի