Ձեզ ենք ներկայացնում վտանգավոր մթերքների մի ցանկ, որն ամենից հաճախ է հայտնվում մեր սննդակարգում:
Աղ
Սա մեր սննդակարգի ամենատարածված «սխալներից» մեկն է: Միջինում մարդն օրական ուտում է 10-15 գ աղ այն դեպքում, երբ հասուն օրգանիզմի համար օրվա կտրվածքով օգտակար է միայն 5 գրամը:
Աղը նպաստում է սիրտ-անոթային հիվանդությունների առաջացմանը, վատացնում երիկամների աշխատանքը, նպաստում ուռուցքների աճին:
Շաքարավազ
Մշակված շաքարը, ի տարբերություն աղի, չի կարող օգտակար լինել օրգանիզմի համար: Նրանում բացակայում են հանքային նյութեր, վիտամիններ, բայց փոխարենը մեծ քանակությամբ կալորիա է պարունակվում:
Շաքարավազի չարաշահումը կարող է հանգեցնել ճարպակալությանը, շաքարախտի, աթերոսկլերոզի, աղեստամոքսային տրակտի աշխատանքի խաթարման:
Երշիկ-նրբերշիկ
Երշիկների և նրբեշիկների տեսականիները պարունակում են շատ ճարպեր, արհեստական սննդի հավելումներ և աղ: Բացի դրանից, այս մթերքների բաղադրության մեջ գերակշիռ մաս է կազմում սոյան:
Արագ պատրաստվող սնունդ(Ֆասթֆուդ)
Այն, որ այս մթերքն առաջացնում է կախվածություն, արդեն բազմիցս ապացուցվել է: Ամենավատն այն է, որ դրանցում մեծ քանակությամբ սինթետիկ ճարպեր, արհեստական հավելումներ, աղ և վնասակար նյութեր կան, որոնք հանգեցնում են աթերոսկլերոզի, հորմոնային բալանսի խախտման, անպտղության, ճարպակալության:
Գազավորված ըմպելիքներ
Բոլոր տեսակի գազավորված ըմպելիքներում` կոլաներում, ֆանտաներում, լիմոնադներում կան կոնսերվանտներ, թթվեցնողներ, հոտավետ նյութեր, էմուլգատորներ, սննդի ներկեր, նաև` անթույլատրելի քանակությամբ շաքարավազ:
