Operativ.am-ի բլից հարցերին պատասխանում է սիրված երգիչ, ՀՀ վաստակավոր արտիստ Հայկոն:
-Մանկական կատակ՝ ոչ մանկական հետևանքներով:
-Միայն մեկն է տպավորվել. փչացրեցի վերելակը, և պապիկս, ով այդ պահին տուն էր բարձրանում, մի քանի ժամ մնաց վերելակում, որից հետո, երբ դուրս եկավ, այնպես բարձրացավ, որ մինչև հիմա հիշում եմ:
-Մանկության նվիրական երազանք, որն արդեն իրականություն է դարձել:
-Մանուկ հասակում երաժիշտ դառնալուց բացի երազում էի սպորտսմեն դառնալ. շատ էի սիրում կարատե և կուն-ֆու մարզաձևերը: Հետո իհարկե լրջորեն զբաղվում էի սպորտով և երաժշտությամբ, սակայն շարունակեցի իմ երազած երաժշտական գործը:
-Հերոսի կերպար ունեցե՞լ եք, եթե այո՝ ո՞վ է եղել:
-Մանկության տարիներին իմ հերոսը Բրյուս Լին է եղել. ավելի հասուն տարիքում արդեն Գարեգին Նժդեհը և Սպարապետ Վազգեն Սարգսյանը: Վազգեն Սարգսյանի հետ նաև պատիվ եմ ունեցել շփվելու:
-Կա՞ որևէ թևավոր խոսք, որով առաջնորդվում եք:
-Իմ սիրած խոսքերից մեկը՝ ամեն ինչ լավ կլինի:
-Ձեր խառնվածքի ամենավատ հատկանիշը:
-Իմ ամենավատ հատկանիշն այն է, որ ես շատ զգայուն եմ. կարող եմ շատ աննշան բաներից և՛ ուրախանալ, և՛ տխրել. չնայած աշխատում եմ դա ցույց չտալ:
-Ինչպե՞ս կվարվեք, երբ Ձեր աչքերի մեջ նայելով փորձեն ստել:
- Քանի որ երկար ու բարդ ճանապարհ եմ անցել, երևի թե ամեն ինչ տեսնում ու զգում եմ, այնպես որ ստին նայում եմ ժպիտով :)
-Ձեր սիրելիին արված ամենամեծ անակնկալը և իր անակնկալը՝ Ձեզ:
-Ինձ մոտ անակնկալ անելն այնքան էլ լավ չի ստացվում. կարող եմ հիշել միայն այն, որ Անահիտի ծննդյան օրը որոշել էինք չնշել, բայց ես հրավիրել էի իր բոլոր ընկերուհիներին, և միասին մտանք Երևանի ակումբներից մեկը, որտեղ արդեն բոլորը սպասում էին. շատ լավ օր ստացվեց:
Անահիտը անակնկալներ շատ է արել, երևի հիշեմ միայն մեկը՝ ասեց, որ տղա ենք ունենալու:
-Հայկոն կնոջ համար ուտեսներ պատրաստու՞մ է:
-Ոչ, ես խոհանոցից շատ հեռու եմ, միայն ձվածեղ կարող եմ պատրաստել:
-Ի՞նչ հեքիաթներ են պատմում փոքրիկ Արմանին Հայկոն և Անահիտը:
-Դեռ հեքիաթներ չենք պատմում. մուլտֆիլմեր ենք նայում և կրկնում ենք ինչ-որ խոսքեր:
-Ի՞նչն է ավելի դժվար ասել՝ սիրում եմ, ներիր, հաջողություն:
-Հաջողությունը:
-Ձեր կյանքի ամենամեծ խենթությունը:
-Խենթություն չեմ արել::))))
-Ձեր կյանքի ամենադաժան կատակը:
-........
-Հայկոն երջանիկ է, երբ…
-Բոլորը երջանիկ են:
-Անմարդաբնակ կղզում հայտնվելուց առաջ երեք իր տանելու հնարավորություն ունեք. որո՞նք կլինեն դրանք:
-Ինչ-որ երաժշտական գործիք, համակարգիչս և ipat-ս:
-Ե՞րբ Հայկոյի հոգու մեջ խոսքեր չեն լինում:
-Ես լռել շատ սիրում եմ:
-Դուք՝ քսան տարի անց:
-Միայն կոմպոզիտոր, լավ երևանցի:
Հեղինակ՝ Սեդա Ղուկասյան
