Հարաբերությունները հավասարաչափ երկու զուգընկերների աշխատանքի արդյունք են: Հասկանալու համար, թե ինչ հարաբերություններ են ձեւավորվել ձեր միջեւ, ու ինչ են դրանք խոստանում ձեզ՝ անհրաժեշտ է ուշադիր վերլուծել կնոջ ամենօրյա վարքագիծը: Այո, այո, հենց ամենօրյա կյանքում ենք մենք հաճախ մատնում մեր բնավորության այն գծերը, որոնք անհրաժեշտության դեպքում ջանասիրաբար քողարկում ենք: Նույնը վերաբերում է նաեւ կանանց:

Եվ այսպես, 8 սկզբունք, որոնք թույլ կտան որոշել՝ արդյոք ձեր հարաբերությունները ապագա ունեն .

1. Կինը չի գնահատում այն, ինչ դուք անում եք նրա համար

Եթե դուք այն տղամարդկանցից եք, որոնք մշտապես անում են փոքր, բայց հաճելի բաներ, որպեսզի կինն իրեն առանձնահատուկ զգա, ապա ձեզ պարզապես անհրաժեշտ է դրա դիմաց համարժեք վերաբերմունք ստանալ: Իսկ եթե դուք հասկանաք, որ ի պատասխան ջերմություն ու շնորհակալություն չեք ստանում, ապա դուք նույնպես այլեւս չեք կարեւորի այդ հարաբերությունները, դրանով իսկ դրանք տանելով դեպի փակուղի: Դուք արժանի եք մի կնոջ, որը ձեզ փոխադարձ սեր կտա եւ  պարբերաբար կհաճոյանա ձեզ:

2. Կինը երբեք չի զգում իր մեղքը

Կինը, որ երբեք պատասխանատվություն չի ստանձնում իր գործողությունների համար կամ էլ անընդհատ փորձում է մեղքը մեկ ուրիշի (հիմնականում Ձեր) վրա գցել, միանշանակ պատրաստ չէ լուրջ հարաբերությունների: Եթե զուգընկերներից որեւէ մեկը ի վիճակի չէ առաջին քայլն անել, ապա փոխհարաբերությունների զարգացումն անիրագործելի խնդիր է դառնում:

3. Կինը ձեզ անընդհատ վերահսկում է

Դուք բնականաբար ունեք ընկերներ, սեփական շահեր ու նախասիրություններ: Միանգամայն բնական է, որ տղամարդը ձգտում է իր զբաղված գրաֆիկում ժամանակ գտնել իր սեփական պահանջները բավարարելու համար: Երբ Դուք հարաբերություններ եք սկսում, պետք է հստակ հասկանաք, որ դրանք կյանքի մի մասն են, ինչպես եւ մնացած ամեն ինչը, այլ ոչ թե ամբողջ կյանքը: Եթե կինը տղամարդուն արգելում է զբաղվել իր սիրելի գործով, ուրեմն նա չի հասկանում նրան, հետեւաբար տղամարդը նման կնոջից վաղ թե ուշ կհեռանա:

4. Նրա զգացմունքները հակասական են

Կնոջ նկատմամբ իրական զգացմունքներ տածող տղամարդու համար հաճախ շատ բարդ է նկատել նրա վարքագծի կարեւոր մանրուքները: Բայց փորձեք անկեղծորեն վերլուծել ու հասկանալ՝ արդյոք նրա մտադրությունները չափից հաճախ չեն փոխվում: Արդյոք նա արագ է արձագանքում ձեր «ՍՄՍ» հաղորդագրություններին կամ պատասխանում ձեր բոլոր զանգերին: Թե նրա համար այդ ամենն այդքան էլ կարեւոր չէ: Եթե այդպես է՝ ուրեմն ժամանակն է վճռորոշ քայլերի դիմել ու դադարեցնել այդ հարաբերությունները:

5. Նա սիրալիր է միայն Ձեզ հետ

Ուշադրություն դարձրեք, թե ինչպես է նա իրեն պահում սրճարանում կամ ռեստորանում, երբ դուք միասին ճաշում եք կամ ընթրում: Եթե աղջիկը անբարյացակամ կամ նույնիսկ կոպիտ է մատուցողի հետ՝ ապա միանգամայն հավանական է, որ դա նրա սովորական հոգեվիճակն է, ու նրա համար ամենակարեւորը տղամարդուն գայթակղելն ու տիրանալն է, այլ ոչ թե նրա հետ այնպիսի հարաբերություններ կառուցելը, որոնց հիմքում զգացմունքներն ու փոխադարձ հարգանքը կլինեն:

6. Նա չափազանց պահանջկոտ է

Անկասկած, կինը մինչեւ ձեզ հանդիպելը կարող էր ուրիշ հարաբերություններ ունենալ, որտեղ նրա զուգընկերը նրան անընդհատ թանկարժեք նվերներ էր նվիրում: Շատ հնարավոր է, որ նա մեծացել է ապահովված ընտանիքում ու սովորել կյանքի որոշակի մակարդակի: Իհարկե եւ կինը, եւ տղամարդը պետք է բարձր չափանիշների ձգտեն, այդ թվում նյութական առումով, բայցեւայնպես ակնկալիքների ու իրականության միջեւ հստակ սահմանազատում պետք է լինի: Հարաբերությունները երկկողմանի երթեւեկությամբ փողոցի նման են, դրա համար էլ եթե կինը մշտապես ձգտում է առաջինն անցնել փողոցը, դուք միշտ նրա հետեւում կմնաք:

7. Կինը ունակ չէ «շնորհակալություն» ասել

Եթե առաջին անգամ սրճարան, ռեստորան այցելելուց կամ էլ աղջկա հետ պարզապես զբոսնելուց հետո նա ձեզ «շնորհակալություն» չի ասում՝ ուրեմն դուք մտահոգվելու առիթ ունեք: Բացի նրանից, որ «շնորհակալությունը» միշտ էլ հաճելի է ցանկացած մարդու համար, սովորական բաները գնահատելու ունակությունը կայուն ու տեւական հարաբերությունների զարգացման կարեւոր երաշխիքներից են:

8. Դուք չափից հաճախ եք վիճում

Այստեղ արդեն բացատրություններ պետք չեն: Կարեւոր չէ, թե որքան ուժեղ է սերը, եթե զուգընկերը ավելի շատ բացասական էներգիա է փոխանցում ձեզ, քան դրական: Կոնֆլիկտային հարաբերություններն անհեռանկարային են: Եվ ճիշտ կանեք միանգամից վերջ տաք դրանց:

Եզրակացություններ

Սկսելով տեւական հարաբերություններ՝ յուրաքանչյուրը պետք է հստակ հասկանա, թե ինչ է ուզում ապագայում: Միայն այդպես դուք երկուսդ էլ կհասկանաք, թե ինչպես կարող եք փոխել ձեր կյանքը ու բարելավել այն:

Այլ կերպ ասած՝ եթե Ձեր կյանքի նպատակները ու արժեքները արդեն իսկ չեն համընկնում սկզբնական փուլում, ավելի լավ է խուսափեք այդ գլուխկոտրուկից եւ առաջ շարժվեք մեկ այլ ուղղությամբ:

 

Աղբյուր՝ Klubber

 

NEWS.am STYLE