Սաքսոֆոնահար Մարիա Ելենա Ռիոսը Twitter-ում դերասան Տենոչ Հուերտային մեղադրել է սեռական ոտնձգությունների մեջ։

Ռիոսը Ուերտային անվանել է «սեքսեւալ գիշատիչ»։ Նա հայտարարել է, որ արտիստն իրեն ենթարկել է սեռական եւ էմոցիոնալ բռնության, ինչպես նաեւ չարաշահել է իշխանությունը։ Նա նշել է, որ այս տեղեկությունը չի տարածում հանուն փառքի եւ փողի։

«Ինչո՞ւ այս մասին շուտ չէիք հայտնում»։ Քանի որ ես վախենում էի, որ դա տեղի կունենա. մարդիկ հրաժարվում են հավատալ, որ սուպերհերոսը բռնաբարող է, մանիպուլյատոր եւ սեքսուալ գիշատիչ: Ես չեմ ուզում հայտնի լինել: Ինձ փող պետք չէ, որովհետեւ ես գիտեմ, թե ինչպես գումար աշխատել»,- հայտարարել է սաքսոֆոնահարը։

Ռիոսը նաեւ մեղադրել է El Feisbuk de la Malinche փոդքասթի թիմին Ուերտային աջակցելու եւ նրա գործողությունները բազմիցս թաքցնելու մեջ:

«Երբ լքեցի նրանց աղանդը, ես նրանց հասկացրի, որ պաշտպանում են բռնի եւ սեռական գիշատիչ Տենոչ Ուերտային եւ ոչինչ չեն հրապարակում իմ մասին: Բայց նրանք դեռ ինձ փնտրում էին bola de hipócritas համերգի ժամանակ, որպեսզի խուսափեն Marvel ֆիլմի շուրջ սկանդալներից», - նշել է Ռիոսը:

Տենոչ Ուերտան առավել հայտնի է «Սեւ Պանտերա. Վականդա ընդմիշտ» ֆիլմում Նեմորի դերով։ Նոյեմբերին Ուերտան ցանկություն հայտնեց վերադառնալ ֆիլմ՝ նշելով, որ նախագծի ճակատագիրը կախված է «Wakanda Forever»-ում իր առաջին հայտնվելու հաջողությունից։