Փղոսկրից պատրաստված քանդակները հնուց ի վեր համարվել են արվեստի իսկական գործեր և շատ բարձր են գնահատվել: Դեռևս անտիկ ժամանակներից հայտնի լինելով` փղոսկրե իրերը` ոսկու, արծաթի և բրոնզի համադրությամբ, մեծ տարածում գտան XIX—XX դդ.: Այսօր քանդակագործները նույնպես հաճախ են գործածում կենդանիների ոսկորներն իրենց ստեղծագործություններում: Նյույորքաբնակ նկարչուհի Ջենիֆեր Թրաքը դրանցից նրբագեղ քանդակներ է ստեղծում, որոնք դժվար է տարբերել թղթե քանդակներից: Ձեզ ենք ներկայացնում նրա աշխատանքներից մի քանիսը: Ինքը` Ջենիֆեր Թրաքն ասում է, որ իր աշխատանքները ժամանակակից մարդու և բնության փոխհարաբերությունների յուրօրինակ մարմնավորումն են:
