Ֆիննական Nokia ընկերությունն Աբու Դաբիում տեղի ունեցած Nokia World Event միջոցառման շրջանակներում ներկայացրել է միանգամից մի քանի նորույթ՝ 5 հեռախոս և ընկերության առաջին պլանշետը, հայտնում է Daily Mail-ը։

Պլանշետը՝ Lumia 2520-ը, գործում է Microsoft-ի Windows օպերացիոն համակարգով, ունի 10.1 դյույմանոց անկյունագծով էկրան և, ըստ նախնական տվյալների, վաճառքի կհանվի 499 դոլարով։

The Lumia 2520, pictured, costs $499 (£309) and comes in red, blue, white and black.

Պլանշետն արտադրվել է կարմիր, կապույտ, սպիտակ և սև գույներով։ Դրա էկրանի պիքսելային խտությունը կազմում է 218 պիքսել։ Սարքը համալրված է Qualcomm Snapdragon 800 քառամիջուկ պրոցեսորով, 2 գեգաբայթ օպերատիվ հիշողությամբ։

Պարբերականը նկատում է, որ Nokia-ն իր առաջին պլանշետը ներկայացրել է այն նույն օրը, երբ ոլորտի մեկ այլ հսկա՝ամերիկյան Apple-ը, պատրաստվում է ներկայացնել իր նոր սերնդի iPad և iPad Mini պլանշետները։

Ինչ վերաբերում է սմարթֆոններին, ապա նոր Lumia 1520-ն ունի 6 դյույմանոց Full HD էկրան, որի խտությունը 368 պիքսել է։ Այն ունի 20 մեգապիքսելանոց PureView տեսախցիկ, և ինչպես Lumia 2520-ը, այն ևս գործում է Qualcomm պրոցեսորով ու ունի օպերատիվ հիշողության նույն ծավալը։ Սմարթֆոնն արտադրվել է կարմիր, դեղին, սպիտակ և սև գույներով, իսկ դրա գինը կկազմի 749 դոլար։

The Lumia 1520 has the same Qualcomm processor and RAM as the Lumia 2520.

Բացի այս ֆիննական արտադրողը ներկայացրել է նաև ավելի էժան Lumia 1320 սմարթֆոնը, որն ունի 6 դյույմանոց էկրան, 5 մեգապիքսելանոց տեսախցիկ և արտադրվել է նարնջագույն, դեղին, սև և սպիտակ գույներով։ Այն կվաճառվի 339 դոլարով։

A cheaper, 6-inch model called Lumia 1320, pictured on the screen at the Nokia World event in Abu Dhabi, was also announced, with a 720p screen and 5MP camera.

Սակայն Nokia-ի նորույթներն այսքանով չեն ավարտվել. միջոցառման շրջանակներում ընկերությունը ներկայացրել է Asha շարքի ևս 3 նոր հեռախոս, որոնց գինը սկսվում է 69 դոլարից։ Դրանք ունեն 2 և 58 մեգապիքսելանոց տեսախցիկներ։

Նոր Nokia Asha հեռախոսներով հնարավոր է ընդամենը 1 կոճակ սեղմելով լուսանկարներով կիսվել Facebook-ով, Twitter-ով, Bluetooth-ով և նաև Whatsapp-ով։

Asha 500-ն արժե 69 դոլար, 502-ն ու 503-ը՝ 89 և, համապատասխանաբար, 99 դոլար։