Նոր iPhone սմարթֆոնների վաճառքի հաջողությունները քննադատությունների և քննարկումների ալիք են առաջացրել վերլուծաբանների շրջանում։

Սակայն Apple ընկերությունում գոհ են արդյունքներից, և ինչպես նախորդ տարի, պատրաստվում են «պարգևատրել» իրենց աշխատակիցներին ավանդական աշնանային տոնի՝ Երախտագիտության օրվա կապակցությամբ, որն այդքան սիրում են ամերիկացիները, գրում է iphones.ru-ն։

Աշխատակիցներին ուղղված երկար նամակում Թիմ Կուկը շնորհակալություն է հայտնել բոլորին աշխատանքի համար և թույլատրել հանգստանալ ամբողջ շաբաթվա ընթացքում։