Մադոննայի դստերը՝ մոդել Լեոն Լուրդեսին, Նյու Յորքի փողոցներում լուսանկարել են էպատաժային տեսքով, հայտնում է Flesh պարբերականը։

Պապարացիները 23-ամյա Լուրդեսին լուսանկարել են տոպով, որը նա կրում էր առանց կրծկալի, կարճ շորտով ու մարզակոշիկներով։ Նա նաեւ վարդագույն, երկար գուլպաներ էր կրում, պաշտպանիչ դիմակ ու վզնոց։ Հրապարակված լուսանկարներից մեկում մոդելը ծխում է, մյուսում բարձրացրել է ձեռքերն ու ցույց տվել չսափրված թեւատակերը։

Օգտատերերը հրապարակված կադրերի մեկնաբանություններում քննադատել են Լուրդեսի արտաքինը։ «Նա ավելի վատ տեսք ունի, քան մայրը», «Տպավորություն է, թե նա մի քանի շաբաթ լոգանք չի ընդունել», «Լեոնը սափրում է ամբողջ մարմինը, բացի թեւատակերից։ Ո՞րն է տրամաբանությունը», «Նա պարզապես բոլոր միջոցներով իր նկատմամբ ուշադրություն է գրավում»,- գրել են նրանք։