Մալազիայի թագավոր Մուհամադ V-ի և 2015թ. «Միսս Մոսկվա» տիտղոսին արժանացած  ռուս գեղեցկուհի Օքսանա Վոևոդինայի ամուսնալուծության մասին լուրերը բավական երկար ժամանակ է շրջանառվում էր մամուլում, մինչ որ գեղեցկուհին հաստատեց այդ փաստը։ 

Հայտնի է, որ Մալազիայի թագավորը և Օքսանա Վոևոդինան ամուսնալուծվել են հունիսի 22-ին, ինչի մասին հայտարարել է թագավորի փաստաբանը։ Այս մասին հայտնում է Oxu.Az-ը՝ հղում կատարելով ռուսական լրատվամիջոցներին։

Փաստաբանի խոսքով Մուհամադ V-ը երեք անգամ արտասանել է «տալաք» բառը, որը, ըստ մուսուլմանական օրենքների, նշանակում է «անվերադարձ ամուսնալուծություն», այսինքն՝  Մուհամադ V-ը և Օքսանա Վոևոդինան այլևս երբեք չեն կարողանա նորից ամուսնանալ։

Աղբյուրը նաև վկայում է, որ փաստաբանը համոզել է թագավորին, որ Օքսանա Վոևոդինան դավաճանել է նրան։ Գեղեկցուհու ընկերուհին փաստում է, որ ոչ մի դավաճանություն չի եղել և նա պատրաստ է հայրության ԴՆԹ թեստ անցնել՝  ապացուցելու համար, որ որդու հայրը Մուհամադ V-ը։

Հիշեցնենք, որ այս զույգը ամուսնացել է 2018 թ․, իսկ այս տարվա մայիսին ծնվել է նրանց առաջնեկը։ Իսկ հունիսին Օքսանա Վոևոդինան հեռացել է ամուսնուց և վերադարձել Մոսկվա։