Հ. Պարոնյանի անվան թատրոնի դերասան Հովակ Գալոյանը հայր է դարձել: Հունվարի 21-ին դերասանի կինը` դերասանուհի Մագդա Մարկոսյանը, նրան միանգամից երեք երեխա է պարգևել:)

Դերասան ամուսինները երկու աղջիկ, մեկ տղա են ունեցել. փոքրիկները ծնվել են Էրեբունի բժշկական կենտրոնում: ESem.am-ի հետ զրույցում Հովակը խոստովանեց, որ դեռ «օդերով է քայլում»: «Հասկանում եք, այժմ ինչ վիճակում եմ. դեռ շոկի մեջ եմ: Չեմ կարող բառերով արտահայտել, թե ինչ եմ զգում: Այսպես դեռ ինձ չեմ զգացել. անբացատրելի երևույթ է»,- ասաց նա: Ըստ դերասանի` փոքրիկներին և՛ իրեն են նմանեցնում, և՛ կնոջը:

Հովակի փոխանցմամբ` կինն ու նորածին երեխաները դեռևս հիվանդանոցում են գտնվում և առաջիկա օրերին կտեղափոխվեն տուն: Թե ինչ անուններով դերասան-ամուսինները կկոչեն իրենց երեխաներին, դեռ պարզ չէ:

«Չեմ ասի անվան տարբերակները, քանի որ ամեն մեկի համար 3 զույգ անուն ունենք:)»,- նշեց դերասանը և խոստացավ փոքրիկների մասին մանրամասները առաջիկայում վստահել մեզ: