Դու ուղարկում ես նամակը և միայն դրանից հետո նկատում, թե ինչքան տառասխաներ ես արել, մոռանում ես ամենատարրական բաները, ուշացնում ես հաշվետվությունները: Սխալվում ես անգամ այն հարցերում,ո որնք նախկինում աչքերդ փակ էլ կարող էիր անել: 

2. Քեզ կոտրված ես զգում դեռ վաղ առավոտվանից

Նոր ես արթնացել քնից և սոովորաբար այդ ժամանակ մենք լավ տրամադրություն ենք ունենում, քանի որ օրը նոր է սկսվում և դեռ ոչ մի վատ բան մեզ հետ տեղի չի ունեցել: Բայց ոչ, հիմա դու ամեն առավոտ սարսափելի տրամադրությամբ ես արթնանում ու  աշխարհը միայն մռայլ գույներով ես տեսնում:

3. Հոգնածությունը քեզ չի լքում

Անգամ հրաշալի շաբաթ-կիրակի անցկացնելուց հետո դու երկուշաբթի աշխատանքի ես գալիս սարսափելի հոգնած, որովհետև քո օրգանիզմը արդեն հոգնել է այդ ռեժիմից և 2 օրը չի կարող քեզ փրկել:

4. Դու նյարդային ես

Քո վրա ազդում է ամեն ինչ`մարդկանց բարձր ծիծաղը, հեռուստացույցի ձայնը, առավոտյան խցանումները, սուրճի դառը կամ քաղցր լինելը...ամեն ինչ: Դու չես կարողանում քեզ տիրապետել և առանց պատճառի վիրավորում ես մարդկանց, ում շատ ես սիրում ու  չես ցանկանում նեղացնել:

5. Դու անքնությամբ ես տառապում

Ամեն առավոտ զարթուցիչի 10-րդ զանգից հետո մի կերպ արթնանալով, դու ինքդ քեզ համոզում ես, որ երեկոյան շուտ կքնես ու հանգստանաս, բայց ամեն  գիշեր կրկնվում է նույն պատմությունը, անկախ հոգնածությանդ աստիճանին`դու չես կարողանում քնել:

6. Չես կարողանում կենտրոնանալ

Անգամ շատ լավ հասկանալով, որ ժամանակ չունես և պետք է մինչև վերջնաժամկետը վերջացնես հաշվետվությունդ, դու ոչ մի կերպ չես կարողանում քեզ համոզել կենտրոնանալ կարևոր աշխատանքի վրա:

7. Ամեն ինչի նկատմամբ կորցրել ես քո հետաքրքրությունը

Քեզ այլևս ոչինչ չի հետաքրքրում, դու անտարբեր ես դարձել քո շրջապատի և մարդկանց հանդեպ:: Անգամ այն իրադարձություն, որին ամիսներ շարունակ սպասել ես, էլ քեզ հետաքրիր չի թվում:

8. Դու կորցրել ես քո մոտիվացիան ու ձգտումները

Այլև ոչինչ չի ոգևորում քեզ, ոչ գովեստի խոսքերը, ոչ հավելավճարը, ոչ պաշտոնի բարձրացումը քեզ չեն ոգևորում ավելի լավ և շատ աշխատել:

 Մի հիասթափվեք, այս ամենը անցողիկ է, պարզապես մի փոքր հանգիստ, անպայման հեռու ձեր առօրյա միջավայրից, համակարգչից, համացանցից ու հեռախոսներից: Համգստացեք աշխարհից, լուրերից, իրադարձություններից, մի լավ քնեք, զբոսնեք, շփվեք ընկերների հետ և ամեն կորցրածը վերականգնած հետ վերադարձեք: