Aroxj.am-ի ընթերցողների «Հարց Բժշկին» խորագրով ուղղված հարցերին պատասխանում է մանկաբույժ Աննա Դանիելյանը:
Անանուն/հարց - Բարև Ձեզ:
Երեխաներին 6 ամսեկանից կարելի է տալ մեծահասակների համար եփված ճաշերից , որոնց մեջ կա և’ տոմատ և’ սոխ,
թե պետք է փոքրիկի համար նախատեսված ճաշեր եփել:
Աննա Դանիելյան, մանկաբույժ - Նախ 6 ամսեկանից պետք է տալ ոչ թե ճաշիկներ, այլ պետք է սկսել բանջարեղենային պյուրեներից և շիլաներից, և ցանկալի է փոքրիկի համար պատրաստել առանձին ճաշատեսակներ: Իհարկե, կարելի է սոխով, տոմատով ճաշեր, սակայն ավելի ուշ տարիքից, հատկապես եթե երեխան ունի ալերգիա:
Հայ/ հարց - Բարև Ձեզ իմ փոքրիկն արդեն 9 ամսեկան է, բայց արդեն մեկ շաբաթ է լավ չի ուտում, ինչը կարող է լինել
պատճառ:
Աննա Դանիելյան, մանկաբույժ - Երեխայի ախորժակի անկման պատճառները շատ տարբեր կարող են լինել`շոգը, ատամների ծկթումը, հիվանդությունները: Հարկավոր է պարզել, հատկապես, ինչի պատճառով չի ուտում:
Մերի/հարց - Բարև ձեզ,աղջիկս 3 տարեկան է, բայց վերջին սեղան ատամները դեռ չեն ծկթել: Վերջերս քայլվածքը փոխվել է,
բայց ցավեր չունի: Հնարավոր է, որ դրանք իրար հետ կապ ունենան: Շնորհակալություն:
Աննա Դանիելյան, մանկաբույժ - Ատամների ծկթումը չի կարող կապված լինել քայլվածքի փոփոխության հետ: Դիմեք մանկաբույժի և մանկական օրթոպեդի:
