Բավականին «ազգայնական» հետազոտություն են կատարել ամերիկյան Օհայո նահանգի համալսարանի բժիշկները: Նրանք պնդում են, որ կարող են պարզել մարդու էթնիկ պատկանելությունը՝ նայելով նրա բերանում ապրող մանրէներին: Հետազոտությունների արդյունքում պարզվել է, որ մանրէներն ունեն իրենց էթնիկ պատկանելությունը, որը համապատասխանում է մանրէի տիրոջ ազգությանը: Այս մասին գրում է Аргументы и факты թերթը:
Հետազոտությանը մասնակցել են տարբեր ազգությունների մոտ 100 ներկայացուցիչներ: Ընդհանուր՝ առմամբ նրանց բերաններում գրանցվել են մոտ 400 տեսակի մանրէներ: Սակայն դրանց 2% է միայն ընդհանուր եղել բոլոր հետազոտվածների մոտ: 90%-ի մոտ համընկել է 10 տեսակներից մեկը:
Սակայն ընդհանրություններ, այնուամենայնիվ, գտնվել են: Անալիզների արդյունքների համեմատումը ցույց է տվել, որ եթե մարդկանց մեջ «բնակվող» մանրէների տեսակները նույն են, ապա այդ մարդկանց ազգությունները նույնպես համընկնում են:
Այլ կերպ ասած՝ չինացիներն ունեն իրենց հատուկ մանրէները, իսկ հայերը՝ իրենցը:
