Բրիտանացի գիտնականները ստեղծել են նոր դեղամիջոց, որը մեծապես օգնում է ինֆարկտից, ինսուլտից կամ լուրջ վիրաբուժական միջամտությունից հետո հիվանդի լավացմանը, հաղորդում է tert.am-ը՝ հղում տալով РБК-ին, որն էլ իր հերթին հղում է կատարել BBC-ին:

MitoSNO դեղամիջոցը մեծ հաջողությամբ փորձարկվել է ինֆարկտ տարած մկների վրա: Ըստ մասնագետների, նրանում առկա միացությունները թթվածնային քաղցից հետո սիրտը պաշտպանում են արյան կտրուկ հոսքից: Դեղամիջոցը օգտագործել խորհուրդ է տրվում ինֆարկտի առաջին ախտանիշների ի հայտ գալուց հետո:

Ինֆարկտից հետո հիվանդները բախվում են հյուսվածքների վնասվածքի հետ, որը առաջանում է արյան կտրուկ հոսքի արդյունքում: Արդյունքում արտադրվում են ազատ ռադիկալներ: Նոր դեղամիջոցը մի քանի րոպեով «անջատում է» միտոհոնդրինները, որպեսզի կանխվի ազատ ռադիկալների հոսքը:

Հետազոտությունների արդյունքները գիտնականները հրապարակել են Nature Medicine ամսագրում: