Փոփ աստղ Աննա Սեդոկովան այժմ հանգստանում է Դուբայում։ Երգչուհին ցույց է տվել սեքսուալ կերպարը, որն ընտրել է լողափի համար։ Սեդոկովան լուսանկարվել է «մերկ» զգեստով։ Աննան սպիտակ, ցանցկեն հագուստ է կրում, որը ցուցադրում է վագրային պրինտով լողազգեստը։

Արտիստը փարթամ սանրվածք է ընտևել եւ կարմիր մատնահարդարում։ Կերպարն ամբողջացնում են վառ կանաչ պայուսակն ու բաց գույնի ամառային կոշիկները։ Աննան ինքնանկար է արել շքեղ հյուրանոցի վերելակում. երգչուհին կանգ է առել հենց այդ հյուրանոցում։

Սեդոկովան բազմաթիվ հաճոյախոսություններ է ստանում վառ արտաքինի առնչությամբ։ Երկրպագուները հատկապես հիանում են երգչուհու կազմվածքով, սակայն Աննան հանկարծ հայտարարել է, որ դժգոհ է դրանից։

«Հիմա ես ցանկանում եմ նիհարել, քանի որ վերջին ամսվա ընթացքում շատ դեղեր եմ ընդունել եւ սթրեսի պատճառով այնքան շատ կերել, որ եւս հինգ կիլոգրամ ավելացրել եմ այն քաշին, որի ընթացքում ցանկանում էի նիարել։ Ես եւս նիհարելու համար կանխարդական հաբ եմ ուզում, ուզում եմ այն ընդունել եւ կարողանալ կրել ջինսերը, սակայն այն գոյություն չունի։ Այդպիսի հաբ գոյություն չունի»,- գրել է երգչուհին։

Աննան հիշեցրել է ճարպ այրող միջոցների վնասի մասին, որոնք «ուտում են» նյարդային համակարգը։ Նա ընդգծել է, որ արդյունք ապահովում են միայն կարգապահությունը սննդի հարցում եւ մարզումները։ Սեդոկովան դժգոհել է, որ իր համար դժվար է հրաժարվել կարտոֆիլ ֆրիից։ Աստղը տրամադրված է աշխատել մարմնի վրա։

«Եվ մինչ ինձ չստիպեմ ամեն օր մեկ ժամ վազել մարզասարքի վրա, 10 կլիոգրամ չեմ նիհարի... Ես կփորձեմ վերածրագրավորել իմ կիրքը սննդի հանդեպ եւ կարտոֆիլ ֆրիին վերաբերվել որպես թույն։ Սիրելի ուտելիքին կվերաբերվեմ ոչ թե որպես հաճույք, այլ թույն, որը թունավորում է իմ մարմինը, որի համար առանց այդ էլ դժվար է»,- ամփոփել է նա։

Աղբյուրը՝ Cosmo

 

 

 

 

Հետևեք NEWS.am STYLE