ԱՄՆ Ֆլորիդա նահանգում բնակվող մոդել Լինդի լի Նունցիատոն 50 հազար ֆունտ ստեռլինգ է ծախսել մուլտհերոս Ջեսիկա Ռեբիթին նմանվելու համար, գրում է The Sun-ը:
Աղջկա խոսքերով` դեռ մանկուց մուլտհերոսն իր համար կնոջ իդեալ է եղել և նրա պատճառով է ցանկացել մեծ կրծքեր ունենալ: 31-ամյա Լինդին առաջին անգամ պլաստիկ վիրահատության է դիմել 19 տարեկանում և հետագայում վիրահատությունների թիվը հասել է չորսի:
Այժմ մոդելն Ինստագրամում ունի 1.4 միլիոն հետևորդ և մեծ թվով երկրպագուներ: Այնուամենայնիվ, նա դեռ ընկեր չունի:
Լինդին նշում է, որ տղաները հաճախ են իրեն նվերներ տալիս և ամուսնության առաջարկություններ անում, բայց ինքը դեռ չի գտել իր երկրորդ կեսին:
