Փիքափեր

Կանանց վերաբերյալ ցանկացած ֆորումում կարելի է հանդիպել մի շարք խորհուրդների՝ ինչպես առաձնացնել փիքափերին, ինչպես նրանց դիմագրավել եւ ինչպես երբեք նրան չհանդիպել։ Սակայն զզվանք են առաջացնում ոչ թե երիտասարդները, այլ 80-ականների «մաչոները», որոնք կարողանում են օգտագործել կանացի թուլությունները։

Եթե աշխարհին նայել նրանց աչքերով, կպարզվի, որ մարդիկ երկու տեսակի են՝ տղամարդիկ եւ սեքսով զբաղվելու հարմարանքներ՝ եւ իհարկե փոխարինելի։ Իսկ կնոջ համար ոչինչ առավել վիրավորական չէ, քան նրան ոչ յուրօրինակ եւ փոխարինելի համարելը։ Այս ցեղատեսակի որոշ ներկայացուցիչներ չեն բավարարվում միայն սեքսով զբաղվելով, այլեւ տարբեր կայքերում քննարկում են դա՝ իրենց նման գարշանքների հետ միասին։

Ալֆոնս

Այս ցուցակում երկրորդ տեղում են ձրիակեր տղամարդիկ։ Ալֆոնսներ են այն տղամաիրդիկ, ովքեր խոստանում են տվյալ կնոջ համար երկնքից աստղ իջեցնել, սակայն անհետանում են՝ իրենց հետ վերցնելով տնային կինոթատրոնը, կրեդիտ քարտն ու մի քանի ոսկե մատանի։ Այս զզվելի արհեստին տիրապետում են հիմնականում ազատազրկման վայրերից դուրս եկած տղաներն ու զբոսաշրջության հաշվին ապրող մաչոները՝ հարավային երկրներից։ Սիրո պատմությունը սկսվում է թեժ խոսոտովանություններով եւ ավարտվում անպատասխան զանգերով՝ գումար ստանալուց հետո։ 

Ժլատ

Այս տեսակի տղամարդը կարող է ամեն օր հարվածել կանացի ինքնագնահատականին։ Նրանից ցանկացած անակնկալ կարելի է սպասել։ Նա, օրինակ, կարող է կնոջ համար ծաղիկներ գնել, սակայն ինքնամոռաց սակարկել։ Այդ «գործընթացի» ավարտին կինն իրեն ստորացված է զգում՝ ծածկված բազմաթիվ վկաների հայացքներով։

Ավելի սարսափելին այն է, որ նման տղամարդիկ կարող են կնոջ համար գնել նեխած նարինջներ եւ թոշնած մեխակներ, որովհետեւ դրանք էժան են։ իսկ կինն աստիճանաբար սկսում է իրեն ասոցացնել այդ իրերի հետ։

Ամուսնացած մուրացկան

Այս տեսակի տղամարդիկ իսկական զզվանք են առաջացնում։ Նրանք կպչուն են, չհասկացող՝ ինչպես ճանճերը։ Երբ հանգստյան օրերին կինն այցելում է մորը,նրանք սկսում են հարձակումներ գործել ծանոթության կայքերում։ Նրանք վայրկենաբար առաջարկում են կնոջը սեքսով զբաղվել «հարմարավետ պայմաններով»՝ նյութական եւ բարոյական ներդրումների բացակայություն, ցանկացած հարաբերության շարունակության բացառում։

Բազմոցի հրեշ

Հարաբերությունների նախնական փուլում տղամարդը թաքցնում է իր մեջ նստած «բազմոցի հրեշին»։ Սակայն աստիճանաբար ամեն ինչ բացահայտվում է։ Տղամարդու փոխարեն քո բազմոցին պառկած է լինում ինչ-որ մի երեւույթ, էակ՝ կամազուրկ, քիչ գումար վաստակող։ Տնտեսական ճգնաժամի պայմաններում դու ցանկանում ես թաքնվել ամուր մեջքի հետեւում, սակայն այդպիսի մեջք գոյություն չունի։ Սարսափելին այն է, որ բազմոցին պառկած այդ էակն ուղղակի պառկած չէ։ Նա երբեմն ձայներ է արձակում՝ տանտիրուհուն մեղադրելով բոլոր մահացու մեղքերի մեջ։ Տարեցտարի այդ իրավիճակն ավելի «առաջընթաց է ապրում»։

 

Աղբյուրը՝ Cosmo.ru

 

NEWS.am STYLE