Աննա Դովլաթյանի տանն արդեն տոնական տրամադրություն է: «Կայարան» սերիալի դերասանուհուն տոնածառը զարդարելու գործում օգնել է սիրելին՝ Դավիթ Աղաջանյանը: BRAVO.am-ի հետ զրույցում Աննան պատմել է, թե ինչու է որոշել մեկ ամիս շուտ զարդարել տոնական ծառը, եւ թե նախատոնական ինչ նվեր է ստացել ընտրյալից:
«Այնքան շատ եմ սիրում Նոր տարին, որ երեխայի պես ուրախանում ու սպասում եմ այդ կախարդական գիշերվան: Դավիթն էլ, իմանալով դա, առաջարկեց միասին տոնածառ դնել, որը, կարծում եմ, մինչեւ գարուն կմնա:)»,-նշել է նա:
Ժամանակին որպես երգչուհի ներկայացող Աննան ասել է, որ տոնածառն ու լույսերը սիրելին է տեղադրել, իսկ զարդարանքի հարցում վստահել է իրեն.«Անսահման շատ եմ սիրում ձյուն եւ, առհասարակ, ամեն ինչ կապված Ամանորի հետ: Ինձ համար հետաքրքիր ու անսպասելի էր օրերս Դավիթից ստացած նվերը՝ Սանտա անունով կատուն: Ձմռան օրերը փիսոյի հետ ավելի տաքուկ ու ժպիտներով լի կլինեն»:
Նյութն ամբողջությամբ` սկզբնաղբյուր կայքում:
