Հոլիվուդյան դերասանուհի, ՄԱԿ-ի բարի կամքի դեսպան Անջելինա Ջոլին Լոնդոնում բացել է պատերազմական գոտիներում կանանց նկատմամբ սեքսուալ բռնությունների պայքարի կենտրոն:
Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, կենտրոնի բացման արարողությանը դերասանուհու հետ մասնակցել է Մեծ Բրիտանիայի ԱԳ նախկին նախարար Ուիլյամ Հեյգը: Centre on Women, Peace and Security կազմակերպությունը կդառնա լոնդոնյան տնտեսագիտական դպրոցի կառույցներից մեկը:
Նրա փորձագետները կհավաքեն տվյալներ, ինչպես նաև ուղիներ կառաջարկեն համապատասխան խնդիրների լուծման համար: «Աշխարհում, որտեղ կանանց դեմ հանցագործությունները մնում են անպատիժ, չի կարող լինել կայունություն»,- հայտարարել է Ջոլին՝ հույս հայտնելով, որ կենտրոնը կօգնի կանանց, որոնք դարձել են «Իսլամական պետության» ծայրահեղական կազմակերպության զոհերը:
Ջոլին 2014թ. հուլիսին Լոնդոնում բացել է միջազգային գագաթնաժողով՝ նվիրված հակամարտության վայրերում սեքսուալ բռնությունների պայքարին:
Անժելինա Ջոլին ՄԱԿ-ի բարի կամքի դեսպան է նշանակվել 2001թ.: Վերջին 4 տարում նա
մարդասիրական առաքելությամբ այցելել էՔենիա, Թայլանդ, Էկվադոր, Սուդան, Կոսովո, Անգոլա, Շրի Լանկա, Հորդանանում
իրաքցի փախստականների ճամբար:
