Այս վարժությունները կատարելու համար քեզ պետք կգա ձեռքի սրբիչ: Սրբիչի միջոցով ավելի շատ կաշխատեցնես մկաններդ և հետևաբար՝ ավելի արագ կձգվես:

 

Տախտակ` ծալված ծնկով


Թիրախը` որովայն, հետույք, ձեռքեր


1. Կանգնիր չորեքթաթ` հենվելով ծնկներիդ վրա և ազդրերդ հեռացնելով միմյանցից: Աջ ձեռքով սրբիչը փաթաթիր ձախ ոտքիդ: Մարմինդ պետք է ուղիղ գիծ կազմի ծնկներիցդ մինչև գլուխ:

 

2. Աջ ոտքդ անկյունագծով հետ տար (բնականաբար քո իրանը կթեքվի դեպի հատակը): Կրկնիր 30 անգամ, ապա անցիր մյուս կողմին:

 

Հրվիր առաջ և բարձրացիր


Թիրախը` հետույք, ազդրեր, որովայն


1. Սկսիր չորեքթաթ դիրքից, փաթաթիր սրբիչը աջ ձեռքիդ վերին հատվածին` ձախ ձեռքդ անցկացնելով մեջքիդ հետևով, որպեսզի բռնես սրբիչը: Ձախ ոտքդ առաջ տար, աջ ծունկդ պահիր հատակին` բարձրացնելով ձախ կրունկդ:

2. Ձախ ոտքդ հրիր հետ` ձգելով ոտնաթաթերդ: Կրկնիր 30 անգամ, ապա անցիր մյուս կողմին:

 

Թեքվիր և ձգվիր


Թիրախը` ձեռքեր, որովայն, ազդրեր


1. Հենվիր ծնկներիդ` ազդրերդ հեռացնելով միմյանցից: Երկու ծայրից բռնիր սրբիչը և իրանդ թեքիր դեպի ձախ:

2. Այժմ ամբողջովին աջ թեքվիր այնպես, որ իրանդ լինի հատակին զուգահեռ: Աջ ձեռքով հենվիր հատակին, որպեսզի չընկնես: Ձախ ոտքդ տար դեպի կողք` պահելով ազդրիդ զուգահեռ: Կրկնիր 30 անգամ, ապա անցիր մյուս կողմին:

 

Ծնկի իջած աքացիներ


Թիրախը` հետույք, ազդրեր, ձեռքեր


1.Հենվիր ծնկներիդ վրա` ազդրերդ հեռացնելով միմյանցից, երկու ծայրից բռնիր սրբիչը` ձեռքերդ պահելով գլխավերևում:

 

2. Ձեռքերդ դիր հատակին, չորեքթաթ դիրք ընդունիր և ձախ ոտքդ դեպի կողք տար: Կրկնիր 30 անգամ, ապա անցիր մյուս կողմին:


Աղբյուրը՝ INFOmanka