Գերմանացի բանաստեղծ, լրագրող, հրապարակախոս, իրավագիտության դոկտոր Արմին Վեգները  Առաջին Համաշխարհային Պատերազմի ընթացքում ծառայել է Օսմանյան կայսրությունում տեղակայված գերմանական ստորաբաժանումներում, եղել է սանիտարական ծառայության սպա: Մինչև 1918 թվականը նա գտնվել է ծառայության մեջ և  ակամա դարձել Հայոց Ցեղասպանության ականատեսներից մեկը:

1918 թ․ վերադարձել է Գերմանիա՝ իր հետ տանելով հայկական կոտորածների բազմաթիվ լուսանկարներ: 1919 թ․ հրատարակել է ի պաշտպանություն հայերի իր բաց նամակը ԱՄՆ նախագահ Վուդրո Վիլսոնին, որը թարգմանվել է ֆրանսերեն, անգլերեն, իտալերեն, իսպաներեն և այլ լեզուներով:

Ձեր ուշադրությանն ենք ներկայացնում Արմին Վեգների ֆոտոշարքը, որում պատկերված են 1915 թվականի ցեղասպանության սահմռկեցուցիչ տեսարաններ: