Hraparak.am-ը գրում է.
Ամերիկյան կինոարվեստների ակադեմիան հաստատել է ս.թ. մարտի 2-ին կայանալիք «Օսկար» 86-րդ մրցանակաբաշխության արարողության վարողների անունները: Հայտնի է, որ այդ օրը Լոս Անջելոսի «Դոլբի» թատրոնի բեմ կբարձրանան Անջելինա Ջոլին, Շարլիզ Թերոնը, Քևին Սփեյսին, Չենինգ Տատումը, Ջոն Տրավոլտան, Ջիմ Քերին, Բրեդլի Կուպերը, Դենիել Դեյ Լյուիսը, Ռոբերտ դե Նիրոն, Հարիսոն Ֆորդը, Վուփի Գոլդբերգը, Ջենիֆեր Լոուրենսը, Ուիլ Սմիթը, Քերի Վաշինգթոնը, Էմմա Ուոթսոնը։
Հոլիվուդյան այս աստղերը իրար հաջորդոլեվ կհայտարարեն անվանակարգերը, կբացեն այդ ամենատարբեր անվանակարգերում հաղթողների անուններով ծրարները, կկատակեն, իսկ արարողությունը կվարի կատակերգու դերասանուհի Էլեն Դեջեներեսը։
