Քաղցկեղով հիվանդ երեխաների միջազգային օրվա կապակցությամբ օրերս Յոլյանի անվան արյունաբանական կենտրոնում “Արեւ ենք միասին” երգի տեսահոլովակում հանդես եկած մի շարք հայտնիներ մասնակցել են արյունատվության ակցիայի, որի շրջանակում հավաքագրված արյունն անվճար տրամադրվելու է կենտրոնում բուժում ստացող հիվանդներին: Նշենք, սակայն, որ լրատվամիջոցներում տեղեկություն է տարածվել, թե երգիչները, դերասաններն ու հաղորդավարները բեմադրել են արյուն հանձնելու գործընթացը: Թեմայի շուրջ BRAVO.am-ին հաջողվել է զրուցել միայն մասնակիցներից մի քանիսի հետ, որոնց պատասխանները ներկայացնում ենք ստորեւ.
Արթուր Իսպիրյան. “Անձամբ ես չեմ կարող պատասխան տալ մյուսների համար. բոլորս տարբեր ժամերի ենք գնացել արյուն հանձնելու: Մեզնից անալիզներ վերցրին, որպեսզի պարզ դառնա` արդյոք մեր արյունը պիտանի է երեխաների համար: Օրինակ` Նադեժդա Սարգսյանը պատրաստակամ էր արյուն հանձնել, սակայն որոշակի խնդիրների պատճառով չկարողացավ: Եվ նման դեպքեր էլի գրանցվել են: Ինքս էլ պատրաստ էի արյուն հանձնել, սակայն բժիշկներն ասացին, որ դոնոր չեմ կարող լինել, քանի որ փոքր ժամանակ դեղնախտով եմ հիվանդացել: Բայց ես մասնակցեցի ակցիային, որպեսզի իմ օրինակով կոչ անեմ բոլոր կամավորներին հանձնել արյուն, որը կարող է պիտանի դառնալ եւ օգնել երեխաներին: Ուզում եմ նշել նաեւ, որ չեմ հասկանում վատաբանողներին, համացանցում տարածված նյութերի հեղինակներին: Իրականում արյուն հանձնելու մեջ որեւէ վատ բան չկա, դա օգտակար ընթացակարգ է եւ շատ առողջարար արյուն հանձնող մարդու օրգանիզմի համար: Տարին առնվազն մեկ անգամ հարկավոր է արյուն հանձնել: Ամաչելու բան չկա, ես չեմ հանձնել արյուն, որովհետեւ անալիզներից հետո պարզ դարձավ, որ արյունս պետքական չէ, բայց պատրաստ եմ կյանքս տալ երեխաների համար, իսկապես, պատրաստ եմ աջակցել նրանց ինչով կարող եմ’’:
Շարունակությունը՝ այստեղ:
