Շարունակելով իրենց փորձարկումները, բրիտանացի գիտնականները բացահայտել են այն ըմպելիքները, որոնք առավոտյան սոված փորին խմելը վնասակար են առողջության համար:
Մի շարք ուսումնասիրություններ ցույց են տվել, որ ամենաառաջին տեղում, որպես առողջության համար վնասակար և վտանգավոր ըմպելիք, սուրճն է: Փորձագետներն ապացուցել են, որ առավոտյան սուրճի մասին ձևավորված իբրև թե կազդուրիչ և թարմացնող ազդեցության մասին կարծիքն ընդամենը միֆ է: Որպեսզի իսկապես տրամադրությունը լավանա, փորձագետները խորհուրդ են տալիս «սև ըմպելիքն» օգտագործել ժամը 13:00-14:00-ի սահմաններում: Օրվա հենց այս ժամերին է մարդը զգում խիստ հոգնածություն:
ՈՒսումնասիրություններն ապացուցել են, որ կոֆեինը իսկապես մարդուն մղում է նյարդային գործողությունների, փոխանցում նեյրոհարուցիչներ (ադենոզին): Այն նաև բարձրացնում է տրամադրությունը, լավացնում հիշողությունը:
Դրան զուգահեռ բժիշկները նշել են լավագույն առավոտյան ըմպելիքները: Բաֆալոյի համալսարանի գիտնականները պարզել են, որ ամենաօգտակար առավոտյան ըմպելիքը թարմ քամած նարնջի հյութն է: Թեև մենք բոլորս սովորել ենք օրը սկսել մի գավաթ սուրճով կամ թեյով, բայց ամերիկացի գիտնականները պնդում են, որ օրգանիզմին լավագույն մեկնարկը տալիս է նարնջի հյութը:
Հասմիկ ՄՈՎՍԻՍՅԱՆ
