Երգչուհի Մարիաննա Հովհաննիսյանը, որի հայտնիության այցեքարտը եղավ հատկապես «Մարիաննա-Մարիաննա» երգը, այսօր արդեն բավականին կայացած անուն է հայկական շոուբիզնեսի երիտասարդ ներկայացուցիչների կողքին: Մարիաննա-Մարիաննան հանրության դատին ներկայացրեց ոճային առումով տարբեր միմյանցից տարբերվող երգեր: Վերջերս նա ելույթ ունեցավ հայաստանյան առևտրի կենտրոններից մեկում, արդյոք այդ քայլը հրավեր էր առևտրի կենտրոնի տնօրինության կողմից, թե «կամակոր» աղջկա հերթական ցանկությունը: Այս և այլ հարցերի շուրջ զրուցելու նպատակով MediaMall.am-ի թղթակիցը կապ հաստատեց երգչուհի Մարիաննայի հետ:
-Ո՞րն է հայկական շոուբիզնեսում հաջողության քո գրավականը:
-Այս հարցին լիարժեք չեմ կարող պատասխանել, քանի որ այդ հարցը պետք է հղեիք իմ ունկնդիրներին, բայց պետք է նշեմ, որ ով հոգով ու սրտով է աշխատում, նա կհասնի հաջողության, ես իմ երգերի մեջ հոգի եմ դնում:
-Ինչպե՞ս ես համատեղում միաժամանակ երգը ուսման հետ:
-Միայն պետք է ունենալ ցանկություն, եթե այն կա, ապա ամեն ինչ հնարավոր է:
-Կա՞ն մարդիկ, որ օգնում են Մարիաննա Հովհաննիսյանին լինել հայկական շոուբիզնեսում:
-Չեմ կարծում, որ հայկական շոուբիզնեսում լինելու համար, ինձ պետք է ինչ-որ մեկի աջակցությունը, ես ունեմ լավ ընկերներ, որոնք նաև շատ տաղանդավոր մարդիկ են, որոնք էլ ինձ համար ստեղծագործում են հիանալի երգեր:
-Վերջերս Դալմա առևտրի կենտրոնում հանդես եկար քո թիմով, ո՞րն էր հավաքույթի բուն նպատակը և ո՞վ էր հավաքույթի կազմակերպիչը:
- Համերգի բուն նպատակը մարդկանց օրը տոն դարձնելն էր, համերգը կազմակերպվել էր համերգային կազմակերպիչների կողմից, իսկ ինձ հրավիրել էին:
-Ինչպե՞ս ես դիմավորելու ամանորը, Հայաստանում թե՞:
-Դիմավորելու եմ Հայաստանում ընտանիքիս հետ:
-Ի՞նչ նվեր է սպասում Մարիաննան Ձմեռ Պապից:
-Ինձ համար ամենամեծ նվերը կլինի ընտանիքիս և ընկերներիս միշտ առողջ և ժպտերես տեսնելը:
-Հավատու՞մ ես ամանորյա հրաշքին և ինչը կլինի հրաշք քեզ համար:
-Հավատում եմ , որ ամանորը իր հետ բերում է հեքիաթային, կախարդական մթնոլորտ: Իսկ հրաշքներին միշտ պետք է հավատալ, քանի որ մենք ապրում ենք իրատեսական մի աշխարհում, որտեղ հրաշքներին հավատալ պետք է:
