Life.panorama.am-ը ներկայացնում է երգիչ Արթուր Իսպիրյանի հետ անցկացված հարցազրույցի առաջին մասը:
-Արթուր, 2013-ը հանգստի տարի՞ էիք հռչակել: Ձեր մասին,կարծեք ավելի քիչ լսեցինք…
-Այդպես թվում է, բոլորովին պասիվ չեմ եղել երգարվեստում: Պարզապես շատ քիչ հեռուստահաղորդումների եմ մասնակցել, ինչն իմ մեղքով չէր: Դե, հեռուստատեսությունը մեծ ուժ ունի, և երբ քիչ ես երևում, գործերդ երբեմն աննկատ են մնում… Հիմա այն թիվն է, որ դու պետք է քեզ գնահատես, առաջ «բրթես»: Նախկինում տաղանդավոր մարդուն փնտրում, գտնում էին, հիմա ընդհակառակը՝ նրանցից խուսափում են…
-Քիչ երևալու խնդիրը երևի նաև տեսահոլովակ չունենալու մեջ է:
-Ներկա պահին 4 անգլերեն դուետներ ունեմ երիտասարդ երգիչ-երգչուհիների հետ: Այն երաժիշտը, ում հետ աշխատում էի, Հայաստանից հեռացավ և երգերը մի քիչ անավարտ մնացին… Գիտեք, այսօր տեսահոլովակ նկարահանելը բավական գումարների հետ է կապված: Մտածում եմ՝ եթե այդ գումարը պետք է տամ տեսահոլովակի համար, ավելի շատ ձայնագրություններ, բարեգործություններ կանեմ նման գումարով… Վերջին տեսահոլովակս 12 րոպեանոց կինո-համերգ է՝ նվիրված Արտեմի Այվազյանին, ինչը, չգիտեմ ինչու, չեն ցուցադրում… Երևի իրենց ստանդարտներին չի համապատասխանում, պետք է ավելի կոմերցիոն և ռեստորանային երաժշտություն լիներ, որ ցուցադրեին…
Շարունակությունը՝ այստեղ:
