Մարմնագույնն ու ավազագույնը խոսում են տղամարդու ինտելեկտի մասին: Նա բավականին հանգիստ է ու շփվող, դժվար իրավիճակում իրեն արժանավայել է դրսևորում: Լավ դիվանագետ է, բայց ամեն աղջիկ չի կարող նման տղամարդու հետ լինել:

Եթե սիրում եք «վատ տղաների», որոնք չեն հանդուրժում մյուսների լիդերությունը, անում են այն, ինչ ցանկանում են' խախտելով կանոնները, ապա ուշադրություն դարձրեք կարմիրի և դեղինի սիրահարներին:

Դեղին կրում են հիանալի հումորի զգացումով լավատես տղամարդիկ: Նա ստեղծագործ մարդ է' կյանքի հանդեպ օրիգինալ հայացքներով և անսահման երևակայությամբ: Միայն մի «բայց» կա. դեղին վերնաշապիկով տղամարդուն կարող եք ձանձրացնել նույնքան արագ, որքան դուրն եք եկել: Ուստի նրա սիրո համար պետք է պայքարել: Նմանատիպ բնավորություն ունեն նաև նարնջագույն վերնաշապիկի սիրահարները. նրանք հսկայական էներգիա և կարծես մշտական շարժիչ ունեն:

Կանաչ վերնաշապիկներ կրում են պահպանողական տղամարդիկ: Նրանց լավագույն հատկանիշներն են' առատաձեռնություն, հանգստություն, տղամարդկություն: Ճիշտ է, երբեմն այս արժանիքների կողքին հայտնվում են նախանձն ու անտանելի խանդը:

Գիտե՞ք' որն է գույների թագավորը: Մանուշակագույնը: Ուստի պատրաստ եղեք արիստոկրատական բզիկների և եսակենտրոնության: Մանուշակագույն վերնաշապիկով տղամարդկանց հետ հետաքրքիր է, գուցե շանս լինի երկարատև հարաբերությունների, եթե պատրաստ լինեք ընդունել նրան որպես արքա, հաճոյախոսություններ անել և անգամ երբեմն կատարել նրա հրամանները:

Ժանրի դասականը սպիտակն է: Հիշեցնենք, որ եթե տղամարդը ստիպված է սպիտակ վերնաշապիկ կրել աշխատանքի բերումով, ապա դա հաշվի չենք առնում: Իսկ եթե նա իսկապես սպիտակի սիրահար է, ապա կարելի է եզրակացություններ անել: Ամենայն հավանականությամբ նա ստեղծագործ մարդ է ոչ ստանդարտ մտածողությամբ, բազմակողմանի զարգացած: Նրանց մեջ շատ է խորհրդավորությունը, երբեմն անհնար է ասել' արդյո՞ք նրանք կատակում են, թե՞ լուրջ են խոսում:

Հակառակը սև գույնն է: Սև նախընտրում են կասկածամիտ և մաքսիմալիստ մարդիկ: Նրանք պարկեշտ մարդիկ են, որոնք խորապես հավատում են իրենց իդեալներին: Նրանց դժվար է հետ համոզել որևէ բանում: Վատ հատկանիշներից է վատատեսությունը, անգամ երբ ամեն ինչ հիանալի է: Հաճախ այս մարդիկ բարձր ինտելեկտ են ունենում, իշխող են և երբեմն նաև որոշ չափով դաժան:

Կարմիր ընտրում են շփվող, համարձակ, էմոցիոնալ, առանց կոմպլեքսների տղամարդիկ: Նրանք արագ նյարդայնանում են, բավականին կոմֆլիկտային մարդիկ են: Դրա հետ մեկտեղ իրենց անունը շատ հաճախ կապվում է բարեգործության հետ. նրանք հեշտորեն զոհաբերում են իրենց հանուն մյուս մարդկանց: Ճիշտ է' երբեմն զոհաբերության նժարը թեքվում է դեպի եսասիրություն, քանի որ նրանք ծայրահեղությունների մարդիկ են: Հիանալի սիրեկաններ են' կրքոտ և բռնկուն:

Ավելի հանգիստ են կապույտ և երկնագույն վերնաշապիկներով տղամարդիկ: Նրանց դժվար է հմայել: Այս տղամարդիկ գնահատում են հանգստությունը, կայունությունը, երբ ամեն ինչ հստակ է, հասկանալի և ընթանում է պլանով: Իսկ երբ նրանք իսկապես սիրում են, ապա դառնում են հավատարիմ ամուսիններ, ում վրա կարելի է հույս դնել դժվար իրավիճակում:

Մոխրագույնը պրակտիկ մարդկանց ընտրությունն է: Այս տղամարդը գնահատում է ավանդույթները, իր և մյուսների ժամանակը, այսինքն' ճշտապահ է: Նման մարդկանց հետ դժվար է, քանի որ եթե չհամատասխանես իրենց պատկերացումներին, ապա նրանք արագ կհիասթափվեն:

Լուրջ վերաբերվել այս ամենին, թե ոչ, որոշում եք ինքներդ, պարզապես ամեն պարագայում հիշեք, որ ցանկացած կանոն ունի իր բացառությունը:

Հեղինակ՝ Mari Love