Թենիսիստուհի և քաղցրավենիք արտադրությամբ զբաղվող Մարիա Շարապովան վերջին հարցազրույցներից մեկի ժամանակ պատմել է, թե ինչպես է հետևում իր կազմվածքին: Ամենաթանկ վարձատրվող մարզուհին խոստովանում է, որ առանձնահատուկ ոչ մի գաղտնիք չունի:
Այդուհանդերձ' մի քանի խորհուրդ տվել է, թե ինչպես անել, որ մարզումներն առավել հաճելի և արդյունավետ լինեն:
Նախ Շարապովան գտնում է, որ միայն մարզումները կօգնեն մարմնի կատարյալ կառուցվածք ունենալ և առողջ լինել: Նրա կարծիքով' բոլորովին պարտադիր չէ ստիպեք ձեզ առավոտյան վազել 10 կիլոմետր, եթե վազքը ձեզ դուր չի գալիս: Նախ պետք է գտնել ձեզ համար հաճելի սպորտաձև և արդյունքում մարզումները ձեզ համար տառապանք չեն լինի:
Երկրորդ. Թենիսիստուհին գտնում է, որ մարզվել մշտապես պետք է մաքուր օդին, բարձր տրամադրությամբ և պարտադիր լավ երաժշտության ներքո:
Եվ երրորդ՝ երես տվեք ինքներդ ձեզ: Մարզումներից հետո թույլ տվեք ձեզ թուլանալ, կերեք ինչ-որ քաղցրավենիք՝ առանց կենտրոնանալու դիետաների վրա: «Ինձ համար լավագույն քաղցրավենիքը կոնֆետներն են»,-անկեղծացել է Մարիան:
