Եվրոպական հանձնաժողովը հետաքննություն է սկսել ամերիկյան հանրահայտ Apple ընկերության դեմ ՝ iPhone սմարթֆոնի ապօրինի վաճառքի իրականացման կասկածանքով, հայտնում է tert.am-ը՝ հղում տալով Газета-ին, որն էլ իր հերթին վկայակոչում է The Financial Times-ին։

Տեխնոլոգիական հսկան կասկածվում է ոչ օրինական սխեմաների օգտագործման համար, որոնց միջոցով մրցակից ընկերությունների արտադրանքը դուրս է մղվել եվրոպական շուկայից։

Apple-ի դեմ հետաքննությունը սկսվել է բջջային կապի մի քանի օպերատորներից և մասնավոր անձանցից ստացված բողոքների հիման վրա։