Եթե ես բարկանում եմ քեզ վրա, դա դեռ չի նշանակում, որ չեմ սիրում քեզ։ Հակառակը, դա նշանակում է, որ դու ինձ համար չափից հարազատ ու կարեւոր մարդ ես դարձել։
Եթե ես բարկանում եմ, դա դեռ չի նշանակում, որ ուզում եմ բաժանվել քեզանից: Նշանակում է, որ ուզում եմ հարթել մեր շփումն ու ամեն ինչ պարզաբանել:
Եթե ես բարկանում եմ, չի նշանակում, որ ինձ հետ անհնար է զրուցել:
Երբ բարկանում եմ, ես եւ իմ մտադրություններն ավելի հասկանալի ենք դառնում:
Եթե ես բարկանում եմ, դա դեռ չի նշանակում, որ ես ուզում եմ վնասել քեզ: Նշանակում է, որ ես ուզում եմ պայմանավորվել, քանի դեռ մենք չենք սկսել իրար ցավ պատճառել:
Եթե ես բարկանում եմ քեզ վրա, չի նշանակում, որ դու վատն ես: Նշանակում է, որ դու արել ես մի բան, որն ինձ դուր չի գալիս, ու ես ուզում եմ հայտնել այդ մասին:
Եթե ես բարկանում եմ, դա չի նշանակում, որ ես եմ վատը։ Նշանակում է, որ ես գիտեմ, թե որտեղ է իմ սահմանը ու ինչ նպատակներ ես ունեմ:
Եթե ես բարկանում եմ, դա չի նշանակում, որ ես այսուհետ ավելի ու ավելի եմ բորբոքվելու: Ընդհակառակը ես կանգ կառնեմ, հենց դու լսես ինձ:
Եթե ես բարկանում եմ քեզ վրա, չի նշանակում, որ ես չեմ հարգում քեզ: Դա նշանակում է, որ ես հավատում եմ, որ դու կարող ես հաղթահարել այդ խնդիրը: Ես ձգտում եմ գտնել այնպիսի խոսքեր ու գործողություններ, որոնք առավելագույնս կարտահայտեն իմ զգացմունքները՝ չվիրավորելով քեզ:
Եթե ես բղավում եմ, դրա պատճառն այն է, որ ես շատ զգացմունքներ ունեմ, այլ ոչ թե որովհետեւ ես ուզում եմ ճնշել ու ստորացնել քեզ:
Եթե ես բղավում եմ քո ներկայությամբ, դա չի նշանակում, որ ես քեզ վրա եմ բղավում:
Եթե ես բարկանում եմ քո կողքին, դա չի նշանակում, որ ես քեզ վրա եմ բարկանում:
Եթե ես բարկանում եմ, չի նշանակում, որ ես հետո անպայման քո նկատմամբ ագրեսիա կդրսեւորեմ ու քեզ վնաս կպատճառեմ: Երբեմն հանգստանալու համար ինձ բավական է պարզապես իմ բարկության մասին հայտնելը:
Եթե ես բարկանում եմ քեզ վրա, դա դեռ չի նշանակում, որ ես քո նկատմամբ ուրիշ զգացմունքներ չունեմ:
Եթե ես բարկանում եմ, չի նշանակում, որ ես շնորհակալ չեմ քեզ:
Եթե ես բարկանում եմ քեզ վրա, դա չի նշանակում, որ ես քեզ չեմ սիրում:
Եթե ես բարկանում եմ քեզ վրա, չի նշանակում, որ ուզում եմ, որ դու այլեւս չանես այն, ինչի պատճառով ես քեզ վրա բարկանում եմ: Ու չի նշանակում, որ ես ակնկալում եմ, որ դու իմ բարկության պատճառով կփոխես քո վարքագիծը:
